چئویرن: ناصر داوران
ترجمه: ناصر داوران
ناصر داوران

بورا تبریز
آبیده‌لریمیزین خاقان سوراغی.
اووجوندا گؤیرچین
بئینینده یانیق دیلیمیزین کرمی‌لری.
بوردا گونش باتماز
گئجه‌لر نه قده‌ر اوزون اولسا بئله.
داغلارینین قیزیل لؤوحه‌لری
برکتین، تمیزلییین بیان‌نامه‌سی.
کوچه‌لرینین یادداشیندا
نه چوخ دومانلی قوچاق
بونونلا بئله
چای‌لارین گوجو
اولدوزلارین دوغرو دیلی
کرپیجینین، داشینین کولتورون اولوشدورور.
بوردا دار آغاجینین قیمتی وار
مین‌لرله گونش‌سویلو سردار
باشین اوجالدیب اونون.

من سیزه تبریزی دانیشیرام
دونیا شهرلرینین وطنداشی
آلمانین، قیزیل گولون یونیوئرسیته‌سینی.
بورا زنگین قلم‌لرین اؤلومه ساتاشدیغی یئر
بورا علیاحضرت سئوگی‌نین بارگاهی‌دیر.
«عینالی»دان دا باش داشی چیخماز
بوردا مکتب اوشاق‌لاری
«آجی»نین دوزون
سویولموش قالامیزین قول ـ قانادین
«مظفریه»ده دالغالانان ناخیش‌لاری
یاشیل خور مغنی‌سی کیمی اؤیره‌نیرلر.

حؤرمتله یاناش بو مؤحتشم شه‌هره
دروازاسیندان گیرنده
بیرآز اییل، سونرا گیر
بورا «سامان یولو»نون پایتختی
بورا تبریز جناب‌لاری‌دیر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من سیزه تبریزی دانیشیرام!

ناصر داوران
www.ishiq.net

آذربایجان ادبیات و اینجه‌صنعت سایتی

من سیزه تبریزی دانیشیرام!

ناصر داوران
www.ishiq.net

آذربایجان ادبیات و اینجه‌صنعت سایتی

من سیزه تبریزی دانیشیرام!

ناصر داوران
www.ishiq.net

آذربایجان ادبیات و اینجه‌صنعت سایتی