سنسیز او گئجه…
سعید موغانلی
اؤپوش‌سوز اوتاق
گولوش‌سوز دووار
من ال‌لرینی بیر ایتیک کیمی آختاریرام…
و یالقیز- یالقیز آغلاییرام…
آج، سوسوز، وودکاسیز، پاراسیز
یالقیزلیغیم‌لا قهوه ایچیرم!
قارانلیقلا سیگار چکیرم!
شعرلریمی قیرمیزی لئچه‌یینه بوکورم
و قزئت‌لری باشماغی‌نین اوستونه ییغیرام!!!
سنین اللرین اولمایاندا
نه چتین‌دیر حیات…
پاییزلی گؤزلرین
باغیرمایاندا
دوداقلاریم اوشویور…
فیشنگیم نم چکیر…
قلمیم سکوت…
سن اولمایاندا سوسوز قالیرام
آج قالیرام
سن اولمایاندا سنسیز قالیرام!!!
