چئویرن: ایشیق
ترجمه: ایشیق
ایشیق

دنیزین قوینوندا باتماغیم گلیر
رضوان جانای

داغیلدی دردیمیز داغین دؤشونه،
اللریم عؤمورلوک دومانا قالدی.
سیندی قایالاردا قارتالین سسی،
سنینله یاشاماق گومانا قالدی.

ندندیر گؤروشه تله‌سیریک بیز
آچیلماز گؤرنده قار چیچگیمی؟
سئوینجی دویمایان قاپ قارا اللر
سونگویه باغلاییر گله‌جگیمی.

ایللردیر ایللردیر هیجران چکیرم
دمیر یوللاریندا گؤز قالان کیمی.
سنسیزلیک سینه‌مه داغ چکه‌جکدیر
قیشین اوجاغیندا کؤز قالان کیمی.

ایده آغاجی‌نین ساری ساچلاری
شاهیدی اولاجاق دوداقلاریمین.
سنین گؤزلرینه شعیر یازاندا
دردی دئشیله‌جک یاناقلاریمین.

بنؤوشه سایاغی بوینومو بوکوب،
اؤزومو سئللره آتماغیم گلیر
ساری ساچلاریمی کسیب آتاندان
دنیزین قوینوندا باتماغیم گلیر.

چاپ

یک پاسخ

  1. چوخ دویغولو و اوره یه یاتان بیر دوردلوک غزیز اوستادیمیز جانای خانیمدان ائشیددیک اللرینیزه ساغلیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دنیزین قوینوندا باتماغیم گلیر/ رضوان جانای

ایشیق
www.ishiq.net

آذربایجان ادبیات و اینجه‌صنعت سایتی

دنیزین قوینوندا باتماغیم گلیر/ رضوان جانای

ایشیق
www.ishiq.net

آذربایجان ادبیات و اینجه‌صنعت سایتی

دنیزین قوینوندا باتماغیم گلیر/ رضوان جانای

ایشیق
www.ishiq.net

آذربایجان ادبیات و اینجه‌صنعت سایتی