چئویرن: ع. ن. چاپار
ترجمه: ع. ن. چاپار
ع. ن. چاپار

chaparمنیم گره‌ییم
ع. ن. چاپار

– چوخ اوجاسان! دئدیلر
منه منی سئونلر!…
بو، نه‌ییمه گره‌گمیش؟!.
-سن قوجاسان! دئدیلر .
منه منی اؤینلر!…
بو، نه‌ییمه گره‌گمیش؟!.

من –
نه اوجایام آنجاق،
نه ده قوجایام – دئدیم.
من ،
بیر عؤمرون باشا – باش
فلاکتله گئچیلن
ان بؤیوک بیر گوناهی،
بؤیوک سوچویام – دئدیم .

منیم گره‌ییم اولموش
– ائله اینانیرام کی –
فلاکتله یاشاماق؛
فلاکتله بیر عؤمرون
قرینه‌لر بویوندا
آغیرجا نیسگیللرین
اوره‌ییمده داشیماق!.
منیم گره‌ییم اولموش
– ائله اینانیرام کی –
گؤزلریمین اؤنونده
میلیون – میلیون باسقینی
حاقسیزی حاقلی ائده‌ن،
قانونلارا بره‌لمک.
منیم گره‌ییم اولموش
گره‌گ یانیب – قره‌لمک !…

یوخ، یوخ
نه‌یه گره‌کدیر –
بوش – بوش بو اؤیوشمه‌لر؟!
منیم گره‌ییم اولموش
گره‌ییم، دؤیوشمه‌لر …
دؤیوش،
حاقسیزلیق اوچون فلاکت دوغورانلا؛
عدالت – دئیه،
ظولمو حاق ایله یوغورانلا …

منی سئون‌ده سوسسون!
منی سؤین‌ده سوسسون!

من هئچ، اوجا دئییلم
هئچ، قوجادا دئییلم؛
من، حاقسیزلیق اؤنونده
حاققین سؤز پناهی‌یام؛
من، ظولوم سئوداسیندا –
یانان انسان آهی‌یام؛
من، انسانین شعوردان –
یارانان گوناهی‌یام!!!…
۱۳۷۰/۰۵/۰۲

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

منیم گره‌ییم

ع. ن. چاپار
www.ishiq.net

آذربایجان ادبیات و اینجه‌صنعت سایتی

منیم گره‌ییم

ع. ن. چاپار
www.ishiq.net

آذربایجان ادبیات و اینجه‌صنعت سایتی

منیم گره‌ییم

ع. ن. چاپار
www.ishiq.net

آذربایجان ادبیات و اینجه‌صنعت سایتی