چئویرن: ایشیق
ترجمه: ایشیق
ایشیق

mojtaba nahani
سنسیزلیک‌لر(۲۲)
مجتبی نهانی

(۱)
گئتمه‌یین باغری کسیک
اوره‌ک داغیلیب هر یئره
باش توتمور-
بیر قورتوم وارلیغین

(۲)
بیر دنیز فنرینه
وورولموش دالغا کیمی
قالخیب، دوشمکده‌یم
دوردوراجاق یوخ مو؟!

(۳)
تبریزده دنیز اولسایدی،
بالیق اولماغا جان آتاردیم
اورمو گؤلونه چاتماق اوچون
باتسین بو آییغلیغی
سوراجاقلار مندن-
هانسی گؤلو دئییرسن؟!

(۴)
دیرچلیش آیه‌سین قولاغیما اوخودو
یوخوسوزلوغومون سببی دوغولدو

(۵)
یوخ مسافه‌لردن-
یاخینام
داها اوزاغا گئتمه!

(۶)
دیرچلمه‌یه توتغونام
آی دوستلار
آنادان دوغما سیزه یاخینام-
اوزاقدان دا گلسه‌نیز…

(۷)
دنیزه دوشموشم
گئجه یاریسی
اوتاغیمدا…
جان قورتاران یوخ مو؟

 

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سنسیزلیک‌لر(۲۲) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی

سنسیزلیک‌لر(۲۲) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی

سنسیزلیک‌لر(۲۲) / مجتبی نهانی

ایشیق
www.ishiq.net

آذربایجان ادبیات و اینجه‌صنعت سایتی