چئویرن: ایشیق
ترجمه: ایشیق
ایشیق

eltashدووارلار
ائلتاش صالیحی

سئومک اوچون بیر شئی‌لر پای وئر منه
بیر سئوگی ماهنی‌سی
بیر رومان کیتابی
بیر آنا لای‌لاسی…

سئومک اوچون بیر شئی‌لر لازیم
بیریمیز سن‌سیز
بیریمیز دؤرد دووارلارین اوووجوندا
باشیما چیرپیر اؤزونو دووارلار
دلی دووارلار
دلی‌لرین دیلیندن باشین چیخیرمی قادینیم؟؟!!
ایعتیرافین سنینجی ایکرانیندا
گولومسه‌له‌ییرم،
آل دوداقلاریمی دیری ساخلاماق اوچون
گؤنده بیر آز گولوشوندن یئییرم
آل دوداقلاریمی
بارماقلاریمی دوشون لوطفن
بارماقلاریم
سینیرلاری تفسیر ائده‌ر؛
دایانار سوکوتون نم هانسی جوغرافیاسیندا
بیر آیلام چکر هاوادا
اورتاسیندا سن
بوتون ایشارت‌لرین مرکزی
آی…
دولون
سنی تمثیل ائدیر گئجه‌لریمه
هر گئجه بیرلیکده یاتیب
آیری آیری اویانیریق بیز
من سن‌سیز
سن دووارلارین اوووجوندا
یاسدیغیمدا سندن بیر توک تاپیلیب یئنه
یاری گونش
یاری گئجه
گونش می کؤچور باشیندان قادینیم؟؟!!
بو میصرعین آلتینی جیز قادینیم
آرخاندا یالنیز دووارلار وار
آرخایین اول
دووارلارین باش آغریسیندان باش آچیر پنجره‌لر

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دووارلار / ائلتاش صالیحی

ایشیق
www.ishiq.net

آذربایجان ادبیات و اینجه‌صنعت سایتی

دووارلار / ائلتاش صالیحی

ایشیق
www.ishiq.net

آذربایجان ادبیات و اینجه‌صنعت سایتی

دووارلار / ائلتاش صالیحی

ایشیق
www.ishiq.net

آذربایجان ادبیات و اینجه‌صنعت سایتی