چئویرن: ایشیق
ترجمه: ایشیق
ایشیق

tagizade
هایاندایدین؟
علی تقی‌زاده لاریجان

دئدیکجه عادیجه کئچیردی حیات
گونلر اؤتوشوردی بیر-بیری کیمی
داریخدیریجی‌دی هرگون هر ساعات
منسه گونده‌لیگین اسیری کیمی

نه هرگون آچیلان ایشیقلی سحر
نه ده بول اولدوزلو آیلی گئجه‌لر
نه دوغما کندیمیز، نه قریب شه‌هر
نه گئن خیاوانلار، نه دار کوچه‌لر

منه دئینمیردی هاچاندانیدی
یئنیجه بیرخبر، تزه‌جه بیر سؤز
پاس آتیب چوروین شیرین جانیدی
ده‌یرسیز حیاتیم اوجوزدان اوجوز

مورگودن اویاتدی سانکی گلیشین
اؤلومجول اویوموش کاس اقبالیمی
دونیامی بزه‌دی اینجه گولوشون
نه خوش حالا بوکدی ناساز حالیمی

اوره‌ک آغریلارین چوخ اوخشاریدی
بو سینیخ کؤنلومو سیخان آغری‌یا
یالانا سنده ده نیفرت واریدی
یامان حسرتیدین دوزه، دوغرویا

چاراسیز سوساندا دیلیم، دوداغیم
دیلیندن ائشیتدیم دوغروسو، دوزو
دئیه‌جک ایسته‌ییب تاپانمادیغیم
دیلیمین اوجوندا گزیشن سؤزو

سیخاندا الینی اوز دوندرمه‌یین
آزجا اوتانماغین اوره‌ییمجه‌دی
آخی گؤرنمیرسن او آندا یقین
اوتانان اوزومون رنگی نئجه‌دی

ایتن یاریسینی تاپارکن اینسان
دادیر حیاتینین ان شیرین دادین
گلیشین شاد ائتدی، همی‌ده پئشمان
سؤیله بو واقتاجان هایانداییدین؟
کرج ۱۳۹۵ یای

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

هایاندایدین؟ / علی تقی‌زاده لاریجان

ایشیق
www.ishiq.net

آذربایجان ادبیات و اینجه‌صنعت سایتی

هایاندایدین؟ / علی تقی‌زاده لاریجان

ایشیق
www.ishiq.net

آذربایجان ادبیات و اینجه‌صنعت سایتی

هایاندایدین؟ / علی تقی‌زاده لاریجان

ایشیق
www.ishiq.net

آذربایجان ادبیات و اینجه‌صنعت سایتی