چئویرن: ایشیق
ترجمه: ایشیق
ایشیق

nisgil6-300x278
باهار گلینی
مقصود تقی‌زاده هریس(نیسگیل)

حیات یولداشیما اتحاف

آی عشقیمین نیشانلیسی، آی گول دوواقلی قیز
آی شعریمین باهار گلینی، یاز سوراقلی قیز
آی گؤزلرینده سونسوز اوفوقلر خیاللاشان
آی ساچلاری دومان قوخولو، چن بویاقلی قیز
آی سئوگی قوشلاری باخیشیندا قاتارلانان
آی اللری سحر خینالی گون شافاقلی قیز
آی عؤمرومون قیشی قوجاغیندا باهارلاشان
آی لاله‌یه، بنؤوشه‌یه یاز تک باداقلی قیز
آی لاپ کدرلی آنلاریمی سئوگیلشدیرن
آی سئوگییه، محبته آی عشقه باغلی قیز
آی ساچلاری یاغیش چیله‌ین داغلی سینه‌مه
آی ایلدیریم گورولتولو، شیمشک یاراقلی قیز
آیدین صاباحلارا یول آچان نور باخیشلاری
سولماز باهارلارین چیچه‌یی آی آداخلی قیز
یالنیز سنین الینده قیزیشدی بوز اللریم
آی اللری گونش کیمی اودلو- اوجاقلی قیز
۷/۳/۱۳۹۳ – هریس

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

باهار گلینی/ مقصود تقی‌زاده هریس(نیسگیل)

ایشیق
www.ishiq.net

آذربایجان ادبیات و اینجه‌صنعت سایتی

باهار گلینی/ مقصود تقی‌زاده هریس(نیسگیل)

ایشیق
www.ishiq.net

آذربایجان ادبیات و اینجه‌صنعت سایتی

باهار گلینی/ مقصود تقی‌زاده هریس(نیسگیل)

ایشیق
www.ishiq.net

آذربایجان ادبیات و اینجه‌صنعت سایتی