masoomسونای گونو
معصوم جبارپور

یای ایله پاییز اؤپوشمه‌سینده
ترله‌ییر قیرمیزی ترلییی پاییز آیی‌نین
قیرمیزی سیچراییر یاناقلارینا
سئویشمک ایسته‌ییر گونش بیر آنلیق
سئوگی،
تای کئشیک گئییر باشماقلارینی
گونش
قاشلاریما بنزه‌ین
بیر آی آراییر…
بیر آن تاپینجا_
دوداقلار اؤپوجوک اکیللر پاییز باغیندا…
***
قارانلیق آییریر
گونش ایله آیی
تامارزی قالیرلار دوداقلار بیر اؤپوشمه‌یه
تانری گؤزلرین یومور
سوسور
دینمه‌ییر
بلکه ده دؤزنمیر بو آیریلیغا
بلکه ده
او اوزدن
هر پاییز آسمان اورکدن‌های چکیر
یاغیر
آغلاییر
باخسانا
خزل چئینه‌ییر زوماری، یایی
قیرمیزا بویانیر گونشین ساچی
آیین اوره‌یینه،
قان سیچراییر
گونش
ساچلارین دولاییر
آیین بوینونا هر سحر و هر آخشام واختلاری
و جان آتیرلار بیربیرلرینین گؤروشونه آللاهین هر وئرن گونو
و او قدر آتشین بیر عشق اولوشور گئت گئده گونشده
آیریلیقدان ساپ ساری اولور کی آیین اوزو
تانری قیامت قوپار دئیه_
یاساقلاییر بو گؤروشو ابدیلیک…