dargahi
تک اونا من بئل باغلادیم
احمد درگاهی

اوتورموشدوم تک باشیما
غــم دفترین واراغلادیم
داماغ اولان حیسلَریمله
ایــچ‌هاراییندان آغلادیم

گؤز یاشلاریم دوندو سئله
غـورورومو ییخـدی بئله
دویغـولاریم گلدی دیله
سؤزچَلَنگی ایله چاغلادیم

یول یؤنتَم آختاردیم عشقه
دئدیم بودره‌مه‌ییم کئشگه
بیلمه‌دیم نه چیخار پوشگه
بو دارغین کؤنلو داغلادیم

بو دور «درگاهی» دیله‌ییم
انشاللاه ایتمَـز اَمــه‌ییم
تانری اومودوم کؤمه‌ییم
تک اونا من بئل باغلادیم