…و سونرا
قاسیم پناهی
…و سونرا
گؤزلرینین ماویلیگینده تاپدیم
قیرمیزی بالیغا چئوریلمیش اؤزومو
اؤزونون
ماسکالی اوزونو گؤرمه‌مزلیگه ووروب
آ
خ
د
ی
م
گؤزلرینین آخینیدا
و سئورکن تانریچامی
یئدیم گیله‌لرینی
سونرا
باشلاندی گؤزلرینین مانیفئستی
کیمسه‌نین قارماق سایاق بارماغی
توخوندو دوداقلاریما
آلـــمــا باغیریم
یانی آییرما منی دونیامدان
چکیلدی قارماق
چکیندیم
جیریلدی دوداقلاریم…
آلدین گؤزلرینی
آیاقلارینا دوشدوم
قاپاندی گؤزلرینین قاپاغی
و باسیلدی اوستومه
قولوندان یاپیشان کیمسه‌نین آیاغی…
