چئویرن: فریبا مرتضایی
ترجمه: فریبا مرتضایی
فریبا مرتضایی

fariba mortazai
قیسا شعرلر(۱۹)
فریبا مرتضایی

(۱)
آج گؤزلریم دیله‌نیر
بیر پیالا باخیشینا؛
من یوخسولام،
نه دئسه‌لر دوغرودور.
(۲)
عشق آجیدیر
کؤنلونون قاپیسین
باغلاسادا،
باخ، نه گؤزل-
قاپانمیش گؤزلرینی آچیر!
(۳)
سسله منی
من بورالاردا
سنین هاوانلا دولانیرام!
سسینی آلیرام،
سنین هاوانلا اؤپورم.
(۴)
سن منیم اوره‌ییم؛
سنسیز
نئجه چیرپینیم،
نئجه دؤیونوم،
نئجه چابالاییم؟!
قورخما قال
من دایانمارام!
(۵)
هئچ بیر شئی
منی سئویندیرمیر؛
بو دویغو
دوز به دوز اؤلومون اؤزودور!
(۶)
نه اولار
سن گلسن؛
اوره ییمی آپاراسان،
سنسیز یئرسیزم.
(۷)
نارین یاغیش تک-
کسیلمه‌دن
سون داملاسینا قده‌ر
سئویرم سنی!
(۸)
یول وئر
گؤزل گؤزلریندن کئچیم!
بو یولدا اؤلسیم وار.
(۹)
ساچینین-
هر تئلینه
مین اومود باغلامیشام.
(۱۰)
یازیق اولدو چیچک‌لره،
اکین‌لره، آغاج‌لارا؛
بو قار نه زامانسیز-
دیش آغارتدی!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قیسا شعرلر(۱۹)/ فریبا مرتضایی

فریبا مرتضایی
www.ishiq.net

آذربایجان ادبیات و اینجه‌صنعت سایتی

قیسا شعرلر(۱۹)/ فریبا مرتضایی

فریبا مرتضایی
www.ishiq.net

آذربایجان ادبیات و اینجه‌صنعت سایتی

قیسا شعرلر(۱۹)/ فریبا مرتضایی

فریبا مرتضایی
www.ishiq.net

آذربایجان ادبیات و اینجه‌صنعت سایتی