dargahi
اَسنه‌ییر
اجمد درگاهی

گــؤزلـریم دونوخـوب حیاتا قارشی
گَـرنه‌شیــر اؤزومـه، زامان اَسنه‌ییر.
غم باغداشین قوروب بیر یوللوق بئله
دایانیــب اؤنــومده، هــرآن اَسنه ییر.
گــؤزلر یئریکله‌ییر شیــرین یـــوخویا
یوخـو گــؤزلریمی‌یــومان اَسنه‌ییر.
دوداق اوچـوغـلادان کابوسلاریمدا
اذن‌سیز یوخــوما جومان اَسنه ییر.
داغــلارین باشینی آلیب قار، بــوران
کائینات یئم ایچــون یامان اَسنه‌ییر
جئیــرانــلار سوروسون آلا قـــوینونا
داغـلاردا سورونن دومـان اَسنه‌ییر
بیـرآندا گـورسه‌نیر مارال قـوزوسو
آوچی اوخـو چکیـر،کامان اَسنه‌ییر
«درگاهــی» زورلاما آرتیـق قلمــی
یـازماغـا قلمــده گـومان اَسنه‌ییر
۹۵/۱/۲۸