sayyad ziyadpoor
سانیردیم
صیاد زیادپور

رقیبی «شاه ولد»، اؤزومو «قریب»
سنی «صنم»‌لرین شاهی سانیردیم.
قادین گؤرکمینده چیچک بئجه‌ریب
نورلو سحرلرین شئهی سانیردیم!

ده‌ییشدی یؤنونو قفیل بو ناغیل
مئهتری چاش چیخدی، قاصیدی چوغول
قاتاندا رحم اولمور سئونده عقیل
ده‌ییشمز آدامین روحو سانیردیم !

اویوب فیتنه‌سینه فئللی «درویش»ین
اودوزدوق دادینی بیز سون گؤروشون
سن خئیر سانارکن هر بیر شر ایشین
من ده هر سؤزونو یاهو سانیردیم!

یاهو دئیه _دئیه درویش دونوندا
سئوگی اومماغیمیش قصدی اونوندا
منسه هر کیم یانلیش یاپسا یانیندا
توتاجاق «صیاد»ین آهی سانیردیم!