چئویرن: ایشیق
ترجمه: ایشیق
ایشیق

bulud muradi
آینادان آغاج‌لارا…
بولود مرادی

آینادان آغاج‌لارا اوره‌ک وئریرم
سن قوش‌لارین آدینی عوضله‌ینده
گؤیو بیر بالیغین گؤزلرینده
بوتون چای‌لاری اوتاغیما گتیردین
ال‌لرین کلفچه‌ده ایدی- ایته‌له‌دیم آتدیم سویا من
بو یئر کوره‌سینی
ال وئردیم یاغیش‌لارین آدینی سوروشدوم
سنین عوضینه
بوتون آغری‌لاری چکدیم من
اَینینه اؤلچدویوم شعرلریمده- بو رنگ‌سیز نقاشی‌لرده!-
آیاق‌لارین یول‌لارا باغلی- یئریدیم گئجه‌نین بوتاییندان اوتایینا
سنین سلامینی آپاردیم آت‌لارا، چیچک‌لره
شهری چیین‌لرینده ساخلایان کوچه‌لره؛ کؤرپه‌لره
من وئردیم ویداغینی
بوتون آداملارا، داش‌لارا، قوش‌لارا-
آلنین آچیغیدی- دوردوم قارا یاخدیلار یوخولاریما
سنین عوضینه
داش قالاق اولدو گؤزلریمین باجیسی
کور بیج‌لرین الی ایله
قوش قالاق اولدو دؤیوب سووردوغوم خیرمان‌لار-
سنه چؤره‌ک وئرنمه‌دیم، شعرلریمین سوفراسیندا
شراب سوز‌نمه‌دیم سویون ساغلیغینا.. سویون…سو!سو!
آینادان چیخ منه سو وئر! اوره‌ک ایسته‌میرم داها!
سئوگیلیم!
جیغال اویون‌دور ال‌لرینده‌کی باهار!
گول دئییل!
پوچ!…
….یانیرام!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آینادان آغاج‌لارا… / بولود مرادی

ایشیق
www.ishiq.net

آذربایجان ادبیات و اینجه‌صنعت سایتی

آینادان آغاج‌لارا… / بولود مرادی

ایشیق
www.ishiq.net

آذربایجان ادبیات و اینجه‌صنعت سایتی

آینادان آغاج‌لارا… / بولود مرادی

ایشیق
www.ishiq.net

آذربایجان ادبیات و اینجه‌صنعت سایتی