Home / شعر / شعرجیک‌لر / حسین آرزو

شعرجیک‌لر / حسین آرزو

hoseyn arzoo
شعرجیک‌لر
حسین آرزو

(۱)
گؤزونده بوغولانلارین سایی‌سین بلیسه‌یدیم
اؤلمزدیم؛
بوغولمازیدیم.

(۲)
بیر دونیا ایشیم وار
سن یادیما دوشدون
بوتون دونیا ایشی قورتاردی.

(۳)
ال چالیردیلار “اونا”!
دار استونده ایاق چالاندا
“اینسانلار”!

(۴)
اوزاق‌لار او زامان
بو قده‌ر اوزاقلاشمامیشدی
بیر قیرانا هر شئی آلیردین
ایکی قیرانا
اوره‌یین هر نه ایسته‌سه؛
من او زامان اوزاقلاردا
بیر قیران- ایکی قیران.

(۵)
قبیر داشیما بنزه‌ییر
سیچیللیم.

آیووا – آمریکا

About ایشیق

۲ comments

  1. سلاملار اولسون ایشیق سایتیندا امه یی اولان هرکسه
    و سایین حسین آرزو قارداشیما …
    وتمام غربتچی لر ساغلیقینا …
    فی البداهه…

    گلیب گئـــدنـدن،سـوروشوب

    سنی گـــؤزده، قـولاقـدایــام

    هلـــه اؤلمــه،میشم گولوم

    وارنفسیـــم ،اَیـــاقــــدایــام

    سؤزوم اولــوب،ناغیل سایاق

    بوتـون دیلـده،دوداقـــــدایــام

    دالیمجـــــا آختــــارما گــــؤزل

    ائـلـدن آیــــــری، اوزاقـدایــام

    بیـــر یـــارالی ،قــوش میثالی

    قـــولاقــلاری،سایاقـــــدایــام

    سنسیزده نیسگیل یاشاییب

    گــؤزلـــــرینـدن، ایــراقـدایــام

    سن له باهار ،کؤچه ن آندان

    پاییــزلاییب ،سازاقـــــدایــام

    خسته کـــؤنول، سنه قوربان

    اَلـدن دوشوب، یاتاقـــــدایــام

    (درگاهی)دن ،ایـز آختارسان

    سطیـرلــر ده ،واراقـــدایـــام

    • سلام عزیز جان قارداشلاریم ایشیق دونیاسیندا

      و

      عزیز دوستوم جناب درگاهی

      اینانیلماز سیویندیم یاشایین عزیزلر

      درگاهی قارداشیم یاشا گوزل شعرییندن

      ایووا امریکا -۱۱- فوربه – ۲۰۱۶

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *