چئویرن: ایشیق
ترجمه: ایشیق
ایشیق

nisgil6-300x278
زلیم‌خان کؤچونو چاتدی
مقصود تقی‌زاده هریس (نیسگیل)

زلیم‌خان کؤچونو چاتدی دونیادان
چمن یاسا باتدی، چؤل یاسا باتدی.
بیر بوداق قیریلدی شعر آغاجیندان
نغمه یاسا باتدی، دیل یاسا باتدی.

داغلارین زیروه‌سین دومان- چن آلدی
قارتالین قییهاسی بوغازدا قالدی
عاشیق‌لار سینه‌ده غم سازی چالدی
بم ناله‌یه گلدی، زیل یاسا باتدی.

سیزلادی کلبه‌جر، سیزلادی گؤیچه
اولدو قاراباغین گوندوزو گئجه
باکی قان آغلاییر کوچه به کوچه
موغان یاسا باتدی، میل یاسا باتدی.

کؤچدو شعریمیزین قولو زلیم‌خان
گئتدی آرامیزدان اولو زلیم‌خان
دولادی الینه یولو زلیم‌خان
جیغیر جادارلاندی، یول یاسا باتدی.
۱۳۹۴/۱۰/۲۲ – هریس

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

زلیم‌خان کؤچونو چاتدی / مقصود تقی‌زاده هریس (نیسگیل)

ایشیق
www.ishiq.net

آذربایجان ادبیات و اینجه‌صنعت سایتی

زلیم‌خان کؤچونو چاتدی / مقصود تقی‌زاده هریس (نیسگیل)

ایشیق
www.ishiq.net

آذربایجان ادبیات و اینجه‌صنعت سایتی

زلیم‌خان کؤچونو چاتدی / مقصود تقی‌زاده هریس (نیسگیل)

ایشیق
www.ishiq.net

آذربایجان ادبیات و اینجه‌صنعت سایتی