چئویرن: ایشیق
ترجمه: ایشیق
ایشیق

ansar qaradagli
بئله گلدی، بئله گئتدی دونیادان!…
انصار قره‌ داغی

نه آللاهی درمان تاپدی، نه اؤزو
بیر گئجه‌یدی؛ اولدوزلارین گوندوزو
عؤمرون ساتیب اره وئردی بیر قیزی
بئله گلدی، بئله گئتدی دونیادان!…

همدم اولدو بیر یازیسیز آللاها
نه گون گؤردو، نده باتدی گوناها
مملکتلر قاپی آچدی او شاها
چوبانلیغا سارای تیکدی او سولطان
بئله گلدی، بئله گئتدی دونیادان!…

گؤیلر بویدا بیر رسمینی چکن وار
قافیه‌سیز قلبی رنگ ـ رنگ، آهی ـ زار
سئوداسینا رنگ تاپانمیر قلمکار
رسّاملارین قلمینه قیزیل قان
بئله گلدی، بئله گئتدی دونیادان!…

زامانانین ساعاتینین چرخینه ـ
داش آسلادی، روزگار دؤنه، گون دؤنه
تنها صیفری رقم قیلدی مین مینه
حکمتیندن ریاضیات گولوستان
بئله گلدی، بئله گئتدی دونیادان!…

ساغدیش دوردو دنیزلره، سولارا
ایندی رسمی سولدوش دورموش پینارا
بو بیر تویدور ؛ گلین چاتماز قاطارا
هر بیر عصرین سیقنالینا هاراسان
بئله گلدی، بئله گئتدی دونیادان!…

گونشلرین چئشمه‌لری دوم دورو
قات ـ قات اؤرتموش ذیل گئجه‌لر بیر نورو
بیر بالیق وار گئچیب گئده‌ر بو تورو
کهکشانلار سووالییدیر او اینسان
بئله گلدی، بئله گئتدی دونیادان!…

کیتاب اولدو، دفتر اولدو بازارسیز
قلملرین سیز گؤتوروب یازارسیز
الیف ـ الیف دوشمانلیغی پوزارسیز
جاهان اهلی چین اهلیدیر او خاقان
بئله گلدی، بئله گئتدی دونیادان!…

آغ حیاتین نار بوخچالی چیلله‌سی
اصلی ـ اصلی یانان داغین گولـله‌سی
اینسانلیغین کَرمینین له‌له‌سی
آللاهیندا قیبله‌سینده سس ـ آذان
بئله گلدی، بئله گئتدی دونیادان!…

بو دریالار آینالارا آیناساز
گونش قانلی ـ قیامتلی، آی ناساز
«انصار» سنی دیندن قیلدی بو ناماز
مین پئیغمبر درسین وئردی بیر چوبان
بئله گلدی، بئله گئتدی دونیادان!…
۱۹/۱۰/۹۴

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بئله گلدی، بئله گئتدی دونیادان!…/ انصار قره‌ داغی

ایشیق
www.ishiq.net

آذربایجان ادبیات و اینجه‌صنعت سایتی

بئله گلدی، بئله گئتدی دونیادان!…/ انصار قره‌ داغی

ایشیق
www.ishiq.net

آذربایجان ادبیات و اینجه‌صنعت سایتی

بئله گلدی، بئله گئتدی دونیادان!…/ انصار قره‌ داغی

ایشیق
www.ishiq.net

آذربایجان ادبیات و اینجه‌صنعت سایتی