dargahi
چکمه !
احمد درگاهی

رسسام سـؤزوم بـــودور سنه
یاناق اوستـــه یاشــی چکمه!
قانلـــی بـــولاغ کیمین گـــؤزو
دویون وورموش قاشی چکمه!

لالـــــه سایـــاق یانــاق‌لاری
غـــونچـــه ووران دوداق‌لاری
طـــبیعـتدن بــــــولاق‌لاری
شکیللــــرده ناشـــی چکمه!

هـــؤروکلری گــول قـــوتازدان
ساریشینــــدان، اَسمــرنازدان
آی اوزلـــــری بــــم بیـــازدان
درده باغلـــــی باشی چکمه!

سئــــــونلـــــریــن محبتیـــن
دویغـــــولاریــــن تام لـــذتین
دوز ایلقــــــاریـن صــــداقتین
کؤنــــوللــــرده داشی چکمه!

«درگاهی» ده قــــوجالسادا
گــــؤزلری هـــرگون دولسادا
سارالیب گـول تک سولسادا
چــــوخدا اوزه یاشـی چکمه!