چئویرن: ایشیق
ترجمه: ایشیق
ایشیق

ای مقدس مسکنیم، ای شانلی آذربایجان!
بیز سنینله فخر قیللیق یئر اوزونده هر زامان.
قوی وار اولسون ای وطن، اصلان صفت اوغلانلارین!
اؤپسون آلنیندان آنا! اونلار سنین، سن اونلارین.
***
zehtab

“سو” دئییبدیر منه اولده آنام، آب کی یوخ
“یوخو” اویرتدی اوشاقلیقدا منه، خواب کی یوخ
ایلک دفعه کی “چورک” وئردی منه نان دئمه‌دی
ازلیندن منه “دوزدانه” نمکدان  دئمه‌دی
آنام اختر دئمه یبدیر منه، “اولدوز ” دئییب او
سو دوناندا دئمه ییب یخ‌دی بالا، “بوز” دئییب او
“قار” دئییب برف دئمه‌ییب، دست دئمه‌ییب”ال” دئییب او
منه هئچواخت بیا سؤیله‌مه‌ییب، “گل” دئییب او
یاخشی خاطیرلاییرام، یاز گونو آخشام چاغی‌لار
باغچانین گون باتانیندا کی، ایلیق گون یاییلار
گل دئیه‌ردی، داراییم باشیوی ای نازلی بالام!
گلمه سن گر، باجیوین آستاجا زولفون دارارام
او دئمزدی کی بیا شانه زنم بر سر تو
گر نیایی بزنم شانه سر خواهر تو
بلی، داش یاغسادا گؤیدن، سن او سان من ده بویام
وار سنین باشقا آنان، واردی منیم باشقا آنام
اوزومه مخصوص اولان باشقا ائلیم واردی منیم
ائلیمه مخصوص اولان باشقا دیلیم واردی منیم
ایسته‌سن قارداش اولاق، بیر یاشایاق، بیرلیک ائدک
وئرسن قول- قولا، بوندان سورا بیر یولدا گئدک
اولا، اؤزگه کولک‌لرله گره‌ک آخمایاسان
ثانیا، وارلیغیما، خالقیما خور باخمایاسان
یوخسا گر زور دئیه‌سن میللتیمی خوار ائده‌سن
گون گلر، صفحه چؤنر، مجبور اولارسان گئده‌سن

چاپ

2 پاسخ

  1. البتته کی سهو دیر چونکو “زهتاب” کلمه سی بیر ایشلم آدی دیر کی باغیرساق اوستونده ایشلرلر و باغیرساغی بیر باغ حالینه گتیررلر آمما “ذ” ایله یازیلان بیر کلمه یوخدور یادا کی وار سادا من بیلمیرم.

  2. سلام و احترام
    یورولمویاسیز . الله قوت وئرسین.
    بیر نئچه واخت دیر کی بیر سیرا سایت لار لا برابر بعضی گونده لیک لرده ده سهو اولاراق زهتابی سوزون دال ذ ایله یازیرلار. سیزجه بو سهو دئییل ؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سن اوسان منده بویام/ محمدتقی زهتابی(۱۳۷۷-۱۳۰۲)

ایشیق
www.ishiq.net

آذربایجان ادبیات و اینجه‌صنعت سایتی

سن اوسان منده بویام/ محمدتقی زهتابی(۱۳۷۷-۱۳۰۲)

ایشیق
www.ishiq.net

آذربایجان ادبیات و اینجه‌صنعت سایتی

سن اوسان منده بویام/ محمدتقی زهتابی(۱۳۷۷-۱۳۰۲)

ایشیق
www.ishiq.net

آذربایجان ادبیات و اینجه‌صنعت سایتی