dargahi
شوقِ نماز

احمد درگاهی

اوز دوتــــوب  درگهیــــــوه، راز و نیــــاز ائیـلــه‌میشم
سنین عشقیندی کی من عشقی مجاز ائیـلــه‌میشم
کؤنلــــومـو باغــلامیشام  عهدایلــــه ایلقارین اوچون
کؤکله‌یـیـب سیملــرینی قلبیمــی ساز ائیـلــه‌میشم
گــــونده بئش وعــده دانیشماق نه قده‌ر خوش بشره
گئـــجه گـــوندوز دانیشام ،نازیمـــــی آز ائیـلــه‌میشم
دیلیمیــن ازبری‌سن ،تانـــــری هرآخشام سحـــری
دم بـــدم هـــرنفسی شــــوق نمـــــاز ائیـلــه‌میشم
فضلیـــدی چـــون بیزه “درگاهی”  عبــــادت بئله‌ده
بونـا خاطیـــردی کـی سجــــاده‌می‌باز ائیـلــه‌میشم