Home / شعر / اورمو گؤلونه / حسین آرزو

اورمو گؤلونه / حسین آرزو

hoseyn arzoo
اورمو گؤلونه
حسین آرزو

۱
بیلمیرم نه‌دن
قورخموشدوم
رنگیم قاشمیش‌دی
دیلیم توتولموشدو
“ننه”م منه
بیر اووچ
سو گتیردی
اورمو گؤلوندن…!

۲
آدینی دئدیم
بال اولدی،
اونو دوشوندوم
یاغیش یاغدی
قار یاغدی
……
اورمو گؤلو دولدو…!

۳
 «شمس»له «شهریار»
دستاماز آلیردیلار
اورمو گؤلونده،
یوخودا گؤردوم…!

۴
اورمو گؤلو!
گوی مچیدین
گوورچین‌لری اؤلر
سن اؤلسن…!

۵
اورمو گؤلو!
“من اؤلوم”
سن اؤلمه…!

 

About ایشیق

۳ comments

  1. سلام عزیز دوستلار

    ساغ اولون و سلامت یاشایین ….چوخ یاشایین

    سایقیلارا

    حسین آرزو – آیووا – آمریکا – اکتبر – ۲۲ – ۲۰۱۵

  2. سلام
    سایین “حسین آرزو” جنابلاری، کؤنلونوزه ساغلیق.
    نه گؤزل دئییبسینیز:

    …اورمو گؤلو!
    “من اؤلوم”
    سن اؤلمه…!

    • تشکرلر عزیز دوستوم حسین واحدی جناب لری

      یاشایجاق ابدیته قدر ترک دیل – ترک یوردو – ترک خالقی …

      سنده ساغ اولون و سلامت یاشایین …لطفن مندن بوتون دوسلارا …

      اذری هنرمند یازارلارا سایقیللا سلاملار بویورون.

      حسین آرزو – آیووا – آمریکا – اکتبر ۳۱- ۲۰۱۵

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *