چئویرن: محمد احمدی‌زاده
ترجمه: محمد احمدی‌زاده
محمد احمدی‌زاده

ahmadizadeh mohammad
یانیر سؤزموز!
محمد احمدی‌زاده


نه اولاجاق گؤره‌سن بیزیم سونوموز؟!
آنادیلینده یازمیر قیزیمیز دا، اوغلوموز
دوغما دیلیمیزده کیتابلاریمیزا قونور-
گون به گون اونودقانلیق توزموز،
اوتانیر اؤز دیلینده دانیشسین
اوشاغیمیز دا بؤیوگوموز.
اوچور داغلاریمیز
یانیر چؤلوموز،
یانیر اورگیمیزده داغ کیمی سؤزوموز؛
اونودولور آتالاریمیزدان قالان-
آنا یادیگاری بیزیم تورکوموز؛
سؤنور گونشیمیز، گوندوزوموز،
یاسا دؤنور گئجه‌لریمیزده تویوموز.

باخیر یوللارا حسرت دولو گؤزوموز،
آغلاییر،
بیزدن سوروشور:
بیتن بو یول‌می‌دی گؤره‌سن-
بیزیم  یولوموز؟!

 

 

چاپ

3 پاسخ

  1. ساینن احمدی زاده یولداشیم . دئییرم هردن بیر اینسانلار اؤزلرینی تانیماقلاری یاخجی ایشدیر. مثلا باشقالاری سنی نئجه تانییرسا سنده اؤزونو او قدر تانییاسان بیر یاخجی دیر. سنده روحوندا کؤنلونده کی اینجه لیک لری بیزلر نئجه دویورقسا کاش سن اؤزونده بیر دویاسان و بیله سن کی نه قدر سئومه لی بیر اینسان سان. یاشاسین قارداشلیق.

  2. ساغ اولون، عزیز دوستوم حؤرمتلی رضایی جنابلاری!
    سیزین یازیلاریزی و یوروملاریزی اوخوماق، هر زامان منی موتلو ائدیر. نه یاخشی کی وارسینیز. نه یاخشی کی رضایی عایله سی شهریمیزده وار. آلله آتانا و قارداشینا رحمت ائله سین. اونلار دا بیزیم کولتوروموزه و اطرافلارینداکی اینسانلارا بؤیوک خیدمتلر ائتدیلر و منده ده قالیجی تاثیرلر بوراخدیلار.

  3. سایین قلمداشیم حؤرمتلی یولداشیم جناب احمدی زاده دویغولاریندان هر زامان یارارلانیب داد آلیرام یاشا سنی.
    آمما دئمه لینین ده دئمک لازیمدیر یاخشی دئییبلر بیر دوست مین دوشمندن یاخجی دیر… دیلیمیزین گونوگوندن نه قدر گوجله نیب و یئنی یئتمه لرین فیکرینده اوره یینده اژونه یئر آچماسینی بیلمک لازیمدیر دای کیمسه میز اؤز دیلینی دانیشماقدان اوتانمیر هامی فخر ائتمک ده آزربایجان دییارلی تورک دیللی دیر و اونلار کی سیز بویوردوغونوزکیمی داورانیرلار ایچلرینی اودوزموش آداملاردیلار. اونلار ذاتیندان قیرلماغا چالیشان یازیقلاردیلار. ایندیلیکده اؤلکه میزین باشاباشیندا گونوگوندن تورکسویلوغوموزا فخر ائتمک دوغور و بؤیویور.
    عشق اولسون سنه شاعیر و دگرلی بیر اینسان
    البته بوردا دئمه لی یم کی مدنی وارلیغیمیزین کئشیگینده ان قودرتلی و دؤزوملو دایانیب یولونو داواملایانلاردان بیری ده سیزسینیز. نه یاخشی کی وارسیز.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یانیر سؤزموز! / محمد احمدی‌زاده

محمد احمدی‌زاده
www.ishiq.net

آذربایجان ادبیات و اینجه‌صنعت سایتی

یانیر سؤزموز! / محمد احمدی‌زاده

محمد احمدی‌زاده
www.ishiq.net

آذربایجان ادبیات و اینجه‌صنعت سایتی

یانیر سؤزموز! / محمد احمدی‌زاده

محمد احمدی‌زاده
www.ishiq.net

آذربایجان ادبیات و اینجه‌صنعت سایتی