چئویرن: ایشیق
ترجمه: ایشیق
ایشیق

masood eslami
شعرلر
مسعود اسلامی

(۱)

بیلیرم سینمایاجاق غورورون
یالنیز گؤزلرینین پنجره‌سی ترله‌یه‌جک
دامجی دامجی داملایاجاق دؤزوم!
اریییب ازیلیر…
دؤن دوداقلارین دوغمالاشسین
دونوم آچیلسین دونونون قیرمیزی گوللرینی
سنسیزلیک سیلینسین بو سویوق گئجه‌لریمیزی
دؤن
گؤزلرینین اوداسیندا اود یاندیراق
ایسیندیرک اوره‌ییمیزی
ایسیندیرک
هر نه‌ییمیزی،
دؤن…

(۲)

گؤزلرین “ماتی مئیخاناسی”
گلن تپیلیر
دار آغاجلاری قورولو
من بیر یولچو اولاراق
گئجه‌له ‌ییرم اوردا…
گوناهیم،
نه دیر!؟

(۳)

ایلک دؤنه
سرین بیر گئجه ده
گوموشو پنجردن بویلاناراق
شیلتاق اولدوزلارین گؤزلریندن باشلاندیق
سوسقونلوغون سؤندور مه یه جک
سازاغی ،
پنجره میزدن
بو گئجه. !

(۴)

باتی قان قیرمیزی دنیز
گؤزلریم بولودلاربارداغی
بارماقلاریم ایتکین لرین ایزی
قولاقلاریم قورقولار اؤلکه سی
سنه چاتان یوللار قاپالی
کؤلگه سین ایتیرمیش بیریسی‌یم
دوشونجه لراسیری،
اومودوم ساپ ساری سامان،
یووارلاق بیرداش،
دوشموشم گئجه نین باشینا!

(۵)

شوعارین آغ روحوندا یاشیل یاشادیق
زامان اوزاندیقجا فیکیر گودلدی…
چئوریلدی شوعارا،
شوعاریمیز.!

چاپ

4 پاسخ

  1. حؤرمتلی ایشیق سایتینین چالیشقان امکداشلاری منیم شئعیرلریمی پایلاشدیغیزدان تقدیر و تشککورلریمی بیلدیریب سیزین اوچون اوزون عومور یاشیل یاشا دیله ییرم. شن یاشایین دوستلار.

  2. سلاملار سایقیلار حرمتلی اکبررضایی دیلداش
    سیزین گلیشینیدن اولدوقجا موتلواولوب..تشککورومینتدارلیقیمی
    بیلدیرمک ایسته ییب ….

    واوزآدیمی سیزین دوسلارینیزین سایی سیندا گوره مدیم !!

    سونسوز سایقیلار

  3. گؤزل و درین دویغولو شعرلر… یاشاسین عزیز و دیرلی شاعیریمیز مسعود اسلامی جنابلاری. اوغورلار اولسون.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شعرلر / مسعود اسلامی

ایشیق
www.ishiq.net

آذربایجان ادبیات و اینجه‌صنعت سایتی

شعرلر / مسعود اسلامی

ایشیق
www.ishiq.net

آذربایجان ادبیات و اینجه‌صنعت سایتی

شعرلر / مسعود اسلامی

ایشیق
www.ishiq.net

آذربایجان ادبیات و اینجه‌صنعت سایتی