chengiz mehdipoor
بیر آدین اوچ اودو
افراسیاب نوراللهی

“استاد چنگيز مهدي پور” اوچون؛

“چنگيز”ده، “جنگيز”ده، “چينگيز”ده او دو
ياني؛
بير آدين اوچ آلووو، اوچ اودو…
“چنگيز” دئييلينجه،
“چنگ”، “عود”
“جنگيز” دئييلينجه،
جنگي كوراوغلودو
“چينگيز” دئييلينجه ده،
چيیني يوكلو بيريميز
ياني،
ساز تانريميز، موسيقي پيريميز
ياني،
بير آدا سيغماز سيريميز
ياني،
بير آدا اوغوللوق ائتمك،
چوخ چتين اولدوغو بير دوروموموزدا،
اوچ آدا آناليق ائله‌ين شيريميز…

1/12/1389