«اَکیز تایی»نین تورشمزه‌لری (4)
چئویرن: رقیه کبیری
ترجمه: رقیه کبیری
رقیه کبیری

دئدی: من پوشک آتاجاغام. قالیب گؤیدن دوشنده، کیمین پایی اولسون!…

پای اوسته چیخماغین دوشر- دوشمزی وار. بو سؤز آتا- بابالاریمیزدان قالماسادا، خورتدان بانونون اکیز تایی‌سیندان سیزه یادیگارلیق قالسین. قوی بیر قالاق دا قالانسین، آتابابالاریمیزدان قالمیش قالاق- قالاق سؤزلرین اوستونه.  بیر گون اولار الین هر یئردن اوزولر. قارنین بئلینه یاپیشار. سن یول- یؤندم بیلدیینه گؤره، زرنگ لیک ائدرسن. باشقالاری قول چیرمالاییب، حاضیرلادیغی سوفره‌نین باشیندا ایله‌شرسن. سوفرا صاحیب‌لرین قووارسان، بوغارسان، اوتورب جانا سینر یئیرسن، ایچرسن، بئلینه پاپیشمیش قارنین اؤزونو ایتیرر؛ یولونو آزار. گونو- گوندن سنی قارین باسار. داها اوتوردوغون یئردن بئله قالخا بیلمزسن. گون گلر سنین اوستونه دُوو گؤتوررلر. سنی یئریندن قالدیرماغا بولدوزرلر ایشه دوشر. کؤکونو قیرا بیلیمه‌سه‌لرده، چکیب بیر قیراغا قویارلار سنی.

آی دولانار. ایل دولانار. یئر فیرلانار. سنین یادینا دوشر کی آچیلمیش سوفرادا پایین وار. گئته ده پای اوستونه چیخماغا هوسله‌نرسن. اما بو دؤنه، او دؤنه‌یه بنزه‌مز. سوفرانین باشیندا هامی یا یئر یوخدور. دئییرلر پوشک آدینا چیخسا سوفرانین باشیندا اَیله‌شه بیلرسن. او دا قالیب شانسیوا، قلمین جوهری آدینی یازماغی باجارا بیلسین یا یوخ!

سیزی بیلمیرم اما من، اکیز‌تایی‌لیغیمدا بیلیرم کی پوشک دئدییین، گؤیه آتیلان آلمادی. گاهدان اولار، فیرلانار، فیرلانار، گلیب بیر درویشین اوووجونا دوشر. درویش آلمانی یاری بؤلر. یاریسی اصلی، بیر یاریسیندان دا، کرمین کؤکو دوغولار. سئوگی خالقیمیزین یاشامینین کؤکونه ایشله‌یر.

آی دولانار، یئر فیرلانار، گون او گون اولار کی پوشک نیوتونون آدینا چیخار. گؤیدن دوشن آلما اونون باشینی یارار. جاذیبه قانونو، یاشامین اؤلمز قانونونا چئوریلر.

ایل دولانار، آی دولانار، یئر فیرلانار، فیریلداق قانونو یئر- گؤیو آلار. گون گلر… گلر… گلر… بو گونه یئتیشر. سئوگی قانونو، جاذیبه قانونو بئله ایشه یاراماز. گؤیه آتیلماغا نه گلاب آلماسی تاپیلار نه ده عاشیقی آلما. ساده جه بشقابی آلما الده اولار. بشقابی آلما گؤیده فیرلانماغی چوخ سئور. حتی اوزایا دوغرو اوزانار. اما هاردانسا بیر ال، بشقابی آلمانی گؤیده توتوب، طاقچانین یوخاری باشیندا اوتوردار. پوشک آتماغین زحمتی ده جیبلرده قالار. سن سه راحات راحات یاسدیغا سؤیکه‌نیب، گؤزونو طاقچایا تیکرسن…

۹۲.۲.۳۱

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«اَکیز تایی»نین تورشمزه‌لری (4)

پوشک دئدییین، بوشقابی آلمادی…

رقیه کبیری
www.ishiq.net

آذربایجان ادبیات و اینجه‌صنعت سایتی

«اَکیز تایی»نین تورشمزه‌لری (4)

پوشک دئدییین، بوشقابی آلمادی…

رقیه کبیری
www.ishiq.net

آذربایجان ادبیات و اینجه‌صنعت سایتی

«اَکیز تایی»نین تورشمزه‌لری (4)

پوشک دئدییین، بوشقابی آلمادی…

رقیه کبیری
www.ishiq.net

آذربایجان ادبیات و اینجه‌صنعت سایتی