چئویرن: روزبه صمدی (نیراوغلو)
ترجمه: روزبه صمدی (نیراوغلو)
روزبه صمدی (نیراوغلو)

بو یئرده سئرچه کیمین «جۆک» دئسک سیاسی‌لشیر
گؤزونده واردی جانیم «تۆک» دئسک سیاسی‌لشیر
یازیق جوجه‌م سن اگر «جۆک» دئدینسه بیرده دئمه
آماندی بیر داها «جۆک- جۆک» دئسک سیاسی‌لشیر
غریبه فتنه یاتیبدیر بیزیم بو دیلده داداش
کاریخما، مقیاسا «اؤلچوک» دئسک سیاسی‌لشیر
«حجاب» کی بیز دئییریک، کؤکده بیر عرب سؤزودور
تعجبم اونا «اؤرتۆک» دئسک سیاسی‌لشیر
آماندی دینمه دانیشما قوزوم بو آجلیغا دؤز
اَییبدی قدّیمیزی «یۆک» دئسک سیاسی‌لشیر
بیزیم خانیمدا نهادلاردا عضو اولان گوندن
یانیندا باغلیدی «گؤمرۆک» دئسک سیاسی‌لشیر
گلنده خارجه‌دن شوخلوق اوچون اسمعلی‌یه‌
گتیر داداش بیزه «اۆسگۆک» دئسک سیاسی‌لشیر
حسین- حسین دئییریک آمما باخمیریق سؤزونه
ایلاهی غصه‌دن «اؤلدۆک» دئسک سیاسی‌لشیر
شهیدلرین یولو گئت- گئت اوزاقلاشیر بیزدن
تاخیبلا گؤزلره «گؤزلۆک» دئسک سیاسی‌لشیر
هایانداسان آی آقا گل کی اومّتون یورولوب
بو آیریلیق سفرین «بۆک» دئسک سیاسی‌لشیر
«نیراوغلو» اوستونه «معجز» کیمین چاخیر سپیلر
«هوپ- هوپ»چی صابیره «مودروک» دئسک سیاسی لشیر

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«اؤلدوک» دئسک سیاسی‌لشیر

روزبه صمدی (نیراوغلو)
www.ishiq.net

آذربایجان ادبیات و اینجه‌صنعت سایتی

«اؤلدوک» دئسک سیاسی‌لشیر

روزبه صمدی (نیراوغلو)
www.ishiq.net

آذربایجان ادبیات و اینجه‌صنعت سایتی

«اؤلدوک» دئسک سیاسی‌لشیر

روزبه صمدی (نیراوغلو)
www.ishiq.net

آذربایجان ادبیات و اینجه‌صنعت سایتی