چئویرن: ایشیق
ترجمه: ایشیق
ایشیق

پیکانام گرچی اؤزوم، من ولی نیسانه وارام
یازیرام چون بئکارام.
بیر یئریم یوخ اوزانام من، ولی هریانه وارام
یازیرام چون بئکارام.
دولانوب چرخ زمان کلّه‌مه بیر سؤز یئتیشیب
فقط الله‌دان اخی بیزلره بیر گؤز یئتیشیب
یازمامیشدان بئله بیر دفتر و دیوانه وارام
یازیرام چون بئکارام.
گزیرم کوچه‌ده گؤردوم دولانیر جارچی گینه
ائله بیل باغرینا باسمیشدی تاری تارچی گینه
الینین دستکشینه گؤتدوگی میزانه وارام
یازیرام چون بئکارام.
بیری فرمانده و بیر عدّه ده فرمانبر اولور
بعضیلر قربانعلی افسر و نام‌آور اولور
بعضی بعضی وئریلن امریله فرمانه وارام
یازیرام چون بئکارام.
قورویوب قُوی ولی باخدوغجا هله نم گؤروکور
چاراسیزلیغدی بالام بیزلره هردم گؤروکور
بو اومیدیله قالان چهره‌ی خندانه وارام
یازیرام چون بئکارام.
گؤرونوب پنسیلی باغلار عملین بعضی طبیب
تنظیفی معده بوغارسیغلا ائدیر یار و حبیب
کرمه باخ، بئله بیر بذل کریمانه وارام
یازیرام چون بئکارام.
هله بیر گوشه‌ده گؤردوم بیرینین اَنگی باشین
پاراپارچا ائله‌یوب دوکتور او بدبخت داداشین
یاخچی نسخه یازیلیب، منده بو درمانه وارام
یازیرام چون بئکارام.
هله وار بیر نئچه برنامه ده شهریمده منیم
اولاریلان نئجه گؤر باغلیدی عهدیمده منیم
گؤرملی کشمه‌کشه یازمالی عنوانه وارام
یازیرام چون بئکارام.
شورالار گلدیلر ایندی دئییرم جانمی جان
پایلاییر شربت و موزلاریدن و خورمالیدان
نینیرم من عملین وئردیگی احسانه وارام
یازیرام چون بئکارام.
ویریلوب مین یئره تبلیغی بَنِرلر من اؤزوم
قالا بیلمم دئمه‌میش یوخ بو تمنایه دؤزوم
اوره‌گینده توتولان حقه‌ی پنهانه وارام
یازیرام چون بئکارام.
خرج اولور بیر نئچه مین سن ده یئییب فخر ائدیسن
قارنووی یاغلاماغا بیرده اورا تئز گئدیسن
عملیندن یارانان بی سر و سامانه وارام
یازیرام چون بئکارام.
بیزلره فیکر ائله‌مز مَشدی فلانکس داداشیم
تندیرین سالمییاجاق تا پیشه بیرده لاواشیم
وئریله بیزلره گر میلیونی یارانه وارام
یازیرام چون بئکارام.
خیاباندان کئچیرم چوخ یانیرام اوتلانیرام
گیج اولوب هچ یئره من گیرجه نه تک فیرلانیرام
شرفین بیر چؤره‌گه ساتمییان اوغلانه وارام
یازیرام چون بئکارام.
قالانی هر نه اولور قوی قالان اوغلی قالاسین
دَیمَه‌یین بیر شِئیَه قوی هر نه کی واردور یالاسین
من اَوَلدَن بئله بیر قورخولی پایانه وارام
یازیرام چون بئکارام.
شنبه۹۵/۱۲/۷

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یازیرام چون بئکارام / مهران اسکندرزاده

ایشیق
www.ishiq.net

آذربایجان ادبیات و اینجه‌صنعت سایتی

یازیرام چون بئکارام / مهران اسکندرزاده

ایشیق
www.ishiq.net

آذربایجان ادبیات و اینجه‌صنعت سایتی

یازیرام چون بئکارام / مهران اسکندرزاده

ایشیق
www.ishiq.net

آذربایجان ادبیات و اینجه‌صنعت سایتی