چئویرن: ایشیق
ترجمه: ایشیق
ایشیق

Behzad-Behzadi (5)
اوستاد بهزاد بهزادی‌نین خاطیره‌لی شکیل‌لر آلبومی

اوستاد بهزاد بهزادی( ۹ اسفند ۱۳۸۶ – ۲ دی ۱۳۰۶)

ائلدار موغانلی

آذربایجانین اونودولماز اجتماعی- مدنی شخصیتی کیمی گئنیش ضیالی جمعیت حؤرمتینی قازانان و خالقین سعادتی اوغروندا عؤمرونون بؤیوک بیر قیسمینی صرف ائده‌ن اوستاد بهزاد بهزادی ۱۳۰۶ ینجی ایلین دی آیی‌نین ایکیسینده آستارا شهرینده چوخ حؤرمتلی و ضیالی بیر عائله‌ده دونیایا گؤز آچیر؛ ابتدایی و اورتا مکتبی آستارا شهرینده کئچیریر.

۱۳۲۲ینجی ایل تهران شهرینه گلیب، بورادا “دانشسرای مقدماتی”ده تحصیله باشلاییر؛ آنجاق آذربایجاندا ۲۱ آذر نهضتی غلبه چالدیقدا تحصیلینی یاریمچیق قویوب، تبریز شهرینه یولا دوشور.

۱۳۲۴ینجی ایلین ۲۱ آذر نهضتی‌نین غلبه‌سی سایه‌سینده تبریز شهرینده قورولان آذربایجان دانشگاهینا داخیل اولور و اورادا “ریاضی و فیزیکا” ساحه‌سینده تحصیل آلماغا باشلاییر؛ نهضتین جوان بیر اشتراکچیسی کیمی اجتماعی و سیاسی فعالیته قاتیلیر و آذربایجان دانشگاهی‌نین اؤیرنجی‌لر بیرلیگی‌نین صدری وظیفه‌سینده چالیشیر.

۱۳۲۵ینجی ایل نهضتین قانا چکیلمه‌سیندن سونرا گیزلی صورتده تبریزدن چیخیب، اؤزونو تهران شهرینه چاتدیریر.

۱۳۲۶ ینجی ایل سمنان شهرینده و بیر مدتدن سونرا “علمده”‌ده (نوشهر شهری) معلم‌لیک ائدیر. بو ایل “کالینین”ین اثرینی فارس دیلینه چئویریر و “سیمای معنوی ملت‌ها” آدی‌لا نشر ائتدیریر.

۱۳۲۸ینجی ایل ایرانین شیمال حصه‌سینده یاخالانیر و ایکی آی مدتینده دوستاق ائدیلدیکدن سونرا “آموزش و پرورش”دن چیخاریلیر. ادبی- اجتماعی فعالیتی داهادا گئنیشله‌نیر و مختلف تربیه‌وی، علمی، اجتماعی و ادبی مقاله‌لرین ترجومه‌سیله مشغول اولور.

۱۳۳۰ینجی ایل بیر سیرا مسلکداشلاری‌لا برابر “بشریت” و “بشیر آینده” روزنامه‌لرینین نشرینه باشلاییر و هر ایکی روزنامه‌نین باش یازاری کیمی فعالیت گؤستریر. همن ایل آذربایجان دمکرات فرقه‌سی‌نین ایران داخیلینده‌کی گیزلی تشکیلاتی‌نین اورقانی‌ اولان “آذربایجان” روزنامه‌سینین نشرینه باشلاییر. “آذربایجان” روزنامه‌سی‌نین بو یئنی نشر دؤورو ۱۳۳۳ینجی ایله‌دک دوام ائدیر و ۱۴۲ نومره‌ده نشر ائدیلیر.

۱۳۳۱ینجی ایل تانینمیش آذربایجان یازیچیسی “میرزه ابراهیموف”ون “آذربایجان ملی دمکراتیک حرکاتی” آدلی کیتابینی فارس دیلینه چئویریر و نشر ائتدیریر.

۱۳۳۲ینجی ایل حشمت حافظی آدلی سئودیگی بیر قیزلا عائله قورور.

۱۳۳۴ینجی ایل کودتا رئژیمی طرفیندن یاخالانیر و ایکی ایل دوستاقدا عؤمور سورور.

۱۳۳۶ینجی ایل آزادلیغا بوراخیلدیقدان سونرا “بیمه” ایشلرینده فعاللاشیر و بو پئشه اوزره گئنیش اوغورلار قازاناراق، اونون مدیرلیک سویه‌سینه یوکسه‌لیر. او بو ایشی ۱۳۴۶ینجی ایله‌دک دوام وئریر.

۱۳۴۴ینجی ایل تهران دانشگاهی‌نین حقوق فاکولته‌سینی بیتیریر و نومره بیر مدافعه‌چی وکیل کیمی فعالیته باشلاییر.

۱۳۵۰ینجی ایلدن اوزون ایللر آذربایجان دیل و ادبیاتیندا بیر بوشلوق کیمی حساب ائتدیگی لغت یوخسوللوغونو آرادان قالدیرماق اوچون “آذربایجانجا- فارسجا سؤزلوک” حاضیرلاماغا باشلاییر و عؤمرونون ۳۰ ایلیندن چوخونو بو ایش اوزه‌ره صرف ائدیر.

۱۳۶۹ینجی ایل بهزادی‌نین “آذربایجانجا فارسجا سؤزلوگ” کیتابی نشر ائدیلیر.

۱۳۷۱ینجی ایل تانینمیش آذربایجان یازیچیسی “میرزه ابراهیموف”ون “ایکی پیئس” آدلی کیتابینی فارس دیلینه چئویریر و “دو نمایشنامه” آدی‌لا دونیا نشریاتی طرفیندن یاییلیر. فارس ترجومه‌سیله برابر بو اثرین آذربایجانجا متنی‌ده نشر ائدیلیر.

۱۳۷۶ینجی ایل عرب الیفباسینا کؤچورموش ” آذربایجان ایضاحلی لوغتی”نی اوچ جیلدده نشر ائتدیریر.

۱۳۷۷ینجی ایل ایکی جیلدلیک “فرهنگ فارسی آذربایجانی” کیتابی نشر اوزو گؤرور.

۱۳۸۱ینجی ایل “کتاب دده قورقود” عنوانلی چئوریلمیش کیتابی نشر ائدیلیر.

 ۱۳۸۷ینجی ایل امکداشلاری حسن ایلدیریم و فیروز رفاهی‌نین کمکی‌ایله آذربایجان درسلیک‌لری اساسیندا تنظیملنمیش “آذربایجان دیل قورولوشو” (دستور زبان آذربایجانی) کیتابی یاییلیر.

۱۳۸۰ینجی ایلین مهر آییندا اوستاد بهزاد بهزادی‌نین بیر عؤمور ادبی- اجتماعی فعالیتیندن تجلیل ائتمک اوچون “صابر ادبی انجومنی” و بیر سیرا دیگر ادبی- مدنی درنک‌لر طرفیندن تهران شهرینده چوخ طمطراقلی بیر تدبیر کئچیریلیر.

۱۳۸۱ینجی ایل “کانون زبان و ادبیات مردمی”( ائل دیلی و ادبیاتی) درنه‌یینی یارادیر و بیر سیرا دیگر آذربایجان ادبیات خادملرینین امکداشلیغی‌ایله “ائل دیلی و ادبیاتی” مجله‌سینی نشر ائتدیریر. بو مجله ۲۳ نومره‌یه‌دک یاییلیر.

۱۳۸۲ینجی ایلدن چوخ دیرلی “آذری” فصلنامه‌سینی یایماغا باشلاییر. بو مجله اوستادین عؤمرونون سون آیلارینادک ۱۸ نومره‌ده نشر ائدیلیر.

۱۳۸۶ینجی ایلین اسفند آیی‌نین دوققوزوندا آذربایجانین فداکار و سارسیلماز اوغلو، اؤز بارلی بهرلی عؤمرونو خالقین معنویاتینا و سعادتینه حصر ائده‌ن اوستاد بهزاد بهزادی قان خسته‌لیگی نتیجه‌سینده آمریکا اؤلکه‌سینده دونیادان گؤز یومور و ابدیته قووشور. او سون مکتوبوندا “آذری” مجله‌سینده‌کی امکداشلارینا بئله یازیر:

 به امید دیدار

کلام سنجیده و پر مضمون دکتر ارانی متفکر معاصر را همواره بیاد دارم:

زندگی مبارزه است، مبارزه جلوه و جلا، ‌فراز و نشیب، کامیابی‌ها و نا کامی‌های گوناگونی دارد. روش و هدف مبارزه هم باید متناسب با آن برگزیده شود. زندگی و مرگ همزادند و تنازع این اضداد سبب تکامل و نتیجه‌ی آن هستی و مرگ، امری است محتوم.

با این مقدمه گزارش‌واره‌ی حاضر در پاسخ به پرسش‌های دوستانه و دلسوزانه‌ی دوستان درباره‌ی علت غیبت چند ماهه‌ام تهیه شده است.

در اردیبهشت ماه سال جاری، نتیجه‌ی آزمایش خون نشان‌ دهنده‌ی نوعی اختلال و نا هماهنگی بود. با دوست بسیار نزدیکم آقای حسن ریاضی که تجربه در این امور دارد به مشورت نشستم. و ایشان از جناب آقای دکتر عیسی بایبوردی فوق‌تخصص عالیقدر کمک خواستند، جناب دکتر لطف فرمودند و مراحل آزمایش‌های متعدد و تجزیه و تشخیص پاتولوژیک را شخصا” سرپرستی کردند و پس از تشخیص، اخطار کردند که هر چه زودتر باید مداوا آغاز گردد.

دو روز بعد به آمریکا سفر کردم و به پزشکان متخصص مراجعه نمودم، آنها نیز نظریه‌ی پزشک ایرانی را تأیید نمودند. و مداوا را شروع کردند. معمولا پزشکان به قصد معالجه و به امید بازگرداندن سلامتی، به مبارزه با بیماری می‌پردازند. با مداوا و تلقین امید به بیمار، روحیه‌ی او را تقویت و بیمار را نیز، در این مبارزه به همراهی تشویق می‌کنند. نتایج پیشرفت مداوا رضایت‌بخش، درمان موًثر بود. و نویدی بود که شور و شوق دیدار مجدد دوستان بر پایداری‌ام افزود.

به امید دیدار

من هراسی از مرگ ندارم به ویژه در این سن ۸۰ سالگی که حادثه‌یست طبیعی و قابل انتظار. تسلیم‌پذیری هرگز در فطرت و اندیشه‌ام نبوده و در هر حادثه‌ای راه مبارزه را برگزیده‌ام. با این آرزو برای بهبودی‌ام تلاش کردم، تا بار دیگر به بازدید دوستان نائل شوم.

به امید دیدار

من با تمام علاقه‌ی عمیقی که به انتشار مجله‌ی آذری دارم. بی‌نگرانی یقین دارم که نویسندگان و همکاران فرهیخته و شیفته زبان و ادبیات آذربایجان به سردبیری دوست و همکار شاعر و نویسنده‌ی توانا، آقای حسن ریاضی تمام کارها را در دوران غیبت من ادامه داده و اعتلا خواهند بخشید. براستی که تمام سهم و نقش عمده و اساسی در انتشار شماره‌های گذشته‌ی مجله نیز بر عهده‌ی ایشان بوده است.

برای انتشار مجله، پس از من هم مجوز قانونی تدارک خواهد شد و این امر مهم در اولین فرصت ملاقات که پیش آید، انجام خواهد گرفت.

به امید دیدار

مرور اجمالی به گذشته و استقبالی که از آثارم شده و تشویق  صمیمانه‌ی دوستان موجب مباهات من بوده و هست و اطمینان خاطر دارم که پاداشم را از فرهیختگان دریافت کرده‌ام و در خاطره‌ی دوستان قدرشناس و آیندگانی که آثار مرا ورق بزنند زندگی خواهم کرد. نظریات امید بخش پزشکان ایجاب می‌کند که این گزارش واره را آخرین وداع تلقی نکنید، با این آرزو که حضورا” واپسین پیام و بدرود و سپاس‌هایم را نثار دوستان کنم.

به امید دیدار

ساغ اولون

بهزاد بهزادی

آمریکا دوم دی ماه ۱۳۸۶

 **************

 

شکیل‌لرین شرحی:
۱- آستارا شهرینین حکیم نظامی مدرسه‌سینین شاگیردلری- ۱۳۱۹

۲- بهزاد بهزادی قیزیل قالا زندانیندا اولارکن حیات یولداشی حشمت خانیم حافظی‌ایله گؤروشده- ۱۳۳۴

۳- بهزاد بهزادی و حیات یولداشی اؤز آنالاری‌لا

۴- بهزاد بهزادی قیزیل قالا زندانیندا اولارکن حیات یولداشی حشمت خانیم حافظی‌ و ایلک اوشاغی‌ایله دوستاق یولداشلاریلا برابر گؤروشده- ۱۳۳۴

۵- قیزیل قالا زندانی‌نین حیطی- گؤروش گونلری

۶- بهزاد بهزادی قیزیل قالا زندانیندا یولداشلاریلا برابر- ۱۳۴۵

۷- بهزاد بهزادی اوشاق‌ایکن بؤیوک باباسی و دیگر عائیله عضولریله برابر آستارا شهرینده

۸- بهزاد بهزادی اوچ قیزی و بیر اوغلو ایله

۹- بهزاد بهزادی همکارلاریلا برابر- ۱۳۴۳

۱۰- بهزاد بهزادی و حیات یولداشی حشمت خانیم حافظی

۱۱- اوستاد بهزاد بهزادی “اذری” مجله‌سینین دفترینده

۱۲- اوستاد بهزاد بهزادی عائیله عضولریله برابر- آمریکا

۱۳- اوستاد بهزاد بهزادی “اذری” مجله‌سینین دفترینده

۱۴- اوستاد بهزاد بهزادی باجیسی‌ایله – ۱۳۸۶

۱۵- اوستاد بهزاد بهزادی‌نین سون شکیل‌لریندن- جیات یولداشی‌لا برابر

۱۶- اوستاد بهزاد بهزادی‌نین خاطره مراسیمی- “آذری” مجله‌سینین دفتری

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوستاد بهزاد بهزادی‌نین خاطیره‌لی شکیل‌لر آلبومی/ ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

اوستاد بهزاد بهزادی‌نین خاطیره‌لی شکیل‌لر آلبومی/ ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

اوستاد بهزاد بهزادی‌نین خاطیره‌لی شکیل‌لر آلبومی/ ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی