تانینمیش ادیب و یازیچی دکتر غلامحسین فرنودون سون ایل لرده آذربایجانین دؤرو مطبوعاتیندا نشر ائتدیردیگی یادداش و قیدلری، بیر مجموعه‌ده “ستوده” یایین ائوی طرفیندن نشره بوراخیلدی. “در بساط نکته دانان” عنوانلی بو کتاب ایلین سون آییندا کتاب ماغازالاریندا ساتیشا بوراخیلدیغی اوچون، یازیچینی سئونلر طرفیندن بیر بایرام هدیه سی کیمی‌قبول اولوندو. بو کیتابدا فرنودین ادبیات، سینما، […]

کئچن ایلین سون آیلاریندا، تانینمیش شاعره و یازیچی رقیه خانیم کبیری‌نین ایکی کیتابی ایشیق اوزو گؤردو. بو کیتابلاردان بیریسی “اورییم آغرییر” آدلی 15 حیکایه‌دن عبارت حیکایه توپلوسودور کی باکی شهرینده لاتین الیفباسی‌ایله “قانون” انتشاراتی طرفیندن چاپ اولوبدور. ایکینجی کیتاب‌ایسه “تبریزیم آل تبیمی” عنوانلی شعر توپلوسودور کی تبریز شهرینده “نباتی” یایین ائوینین تشبثی‌ایله چاپ اولوبدور. بو […]

بهمن آیی‌نین 20نجی گونو آذربایجان ادبیاتی‌نین تانینمیش خادملریندن استاد میرهدایت حصاری ادبی جمعیتیمیزدن ابدی اولاراق آیریلدی. 1308نجی گونش ایلی مرند ماحالی‌نین یکان کهریزینده دونیایا گوز آچان میرهدایت حصاری 40 ایله یاخین آذربایجان ادبیاتی انکشافیندا قوه‌سی قده‌ر چالیشدی و بو چالیشمانین نتیجه‌سی بیر چوخ مقاله‌لرین و کتابلارین تالیفی اولدو. بو کتابلارین سیراسیندا  “عاشيقلار مجليسی” , “شاهنامه […]

بهمن آیی‌نین 23ندن 28‌نجی گونونه قده‌ر تبریزده عاشیقلار کنسرتی کئچیریله‌جکدیر. دالغا گروهونون «ساری تئل» آدینا کنسرتی، استاد چنگیز مهدی‌پورون رهبر‌لیگی‌ایله، بهمن آیی‌نین 23 ، 24 و 25 ‌نجی گونلرینده تبریزین “مجتمع رفاهی پتروشیمی‌” سالونوندا کئچیریله‌جکدیر. بو 3 گئجه‌لیک کنسرت‌ده آذربایجان عاشیق موسیقی‌سیندن فولکولوریک قطعه‌لر او جومله‌دن “آت اوستي كرمي”، “باش ساري تئل”، “اوشاري” و … […]

هاشم جعفرزاده، از پیشکسوتان کوهنوردی آذربایجان و از مؤسسین و سرپرست “گروه کوهنوردی یاران” از میان ما رفت. “هاشم آقا” عاشق و دلبستۀ کوه و طبیعت بود. او با کوه زندگی کرد، در کوه مسکن گزید و سکوت کوهستان را بیش از هر جلوه‌ای از طبیعت به دل نشاند. از همین رو “هاشم آقا” از […]

تأسف‌له‌رله آذربايجان شعرينين ايتگين شاعري رضا اسلام‌طلب اكبري (ايتگين) كئچه‌ن چرشنبه گونونون سون ساعات‌لاريندا (23/9/90) دايمي اولاراق حياتا اوز دؤنده‌ردي. اوزون سوره‌ن بير خسته‌ليك عمرونون سونونا قدر اونونلا آياقلاشدي و نهايت ايتگين‌ين شاعر روحو بو يوكو داشيماقدان واز كئچدي. عمرو بويو زحمت آدام‌لارينا منسوب اولان رضا ايتگين همين آدام-لارين ايسته‌ك ـ آرزي‌لاريني شعرينده سه‌سله‌نديردي، خالقي […]

چوخ تاسفله، تانینمیش آذربایجان شاعری رضا اسلام طلب اکبری(رضا ایتگین) چرشنبه گونونون سون آنلاری آذر آیی‌نین 23ینده تبریز شهرینده دونیادان گؤز یومدو. رضا ایتگین 1316ینجی گونش ایلینده یوخسول و زحمتکش بیر عائله‌ده تبریز شهرینین گامیش‌آوا محله‌سینده دونیایا گؤز آچدی. معیشت آغیرلیغی اونا مستمر تحصیل آلماق امکانی وئرمه‌دی و رضانین یئنی‌یئتمه‌لیک ایللری فرش دزگاهلاری‌نین دالیندا و […]

فارسجا و آذربایجانجا یازدیغی شعرلری‌ایله ایران و آذربایجان ادبی جمعیتلرینده پارلاق اولدوزا چئوریلن و اؤزونه مخصوص ادبی مدنی مؤوقع قازانان گؤرکملی شاعریمیز “عمران صلاحی”نین آذربایجانجا یازدیغی بوتون شعرلری “یارالی دورنا” عنوانلی بیر مجموعه‌ده “نشر امرود” انتشاراتی‌ طرفیندن یاییلدی. بو کتاب مرحوم شاعریمیزین ائولادلاری یاشار و بهاره و تانینمیش یازیچیمیز “دکتر مرتضی مجدفر”ین تشبثلری‌ایله نشره حاضیرلانیبدیر […]

آذربایجان مدرن شعری گئجه‌سینده چیخیش ائدنلردن شاعره رقیه‌ خانیم کبیری و شاعر کیان خیاو‌ین طرفیندن بیر ادبی خبر یایینلاندی. بو خبر اسطوره‌لر اساسیندا یاخین گله‌جکده یاییلاجاق اورتاق یازیلمیش ایکی شعر توپلوسوندان عبارت‌ایدی. رقیه خانیم کبیری‌دن الیمیزه چاتان تکمیل ائدیجی معلومات بئله‌دیر: “بیرینجی توپلو (اصلی‌کرم‌)دن یئنی آنلاتی اولاراق «بیر اوجاقدا ایکی کول توپاسی»  آدینی داشیییر. تورک […]

اوستاد یحیی شیدانین اونودولماز خاطره‌سینی عزیزلمک اوچون آذر آیی‌نین اوچونجو گونو تبریز شهرینده “یئنی تبریز ادبی- مدنه درنه‌یی” طرفیندن طنطنه‌لی مراسیم کئچیریلدی. آذربایجان شاعرلری، یازیچی‌لاری و مدنی شخصیتلری‌نین اشتراکی‌ایله قورولان بو مجلیسده شعرلر اوخوندو و اوستاد یحیی شیدانین حیات و یارادیجیلیغی و اجتماعی مدنی شخصیتی باره‌ده دانیشیقلار کئچدی. هریزلی — حاج موسی هریسی‌نژاد — ناصر […]