گئچی بختیار موغان‌اوغلو آهای باشی بوش گئچی بوینوزلاری شوش گئچی اوت یئمه اوچورومدا ان آشاغی دوش گئچی سنی گؤرنلر قینار  دوشرسن قیچین سینار

معللیم‌لریم بختیار موغان‌اوغلو  نئجه مهربانسینیز منیم معللیم‌لریم. زحمتیزی اونودماز قلم دوتان اللریم منیم معللیم‌لریم! ××× مکتب‌لریم بیتنده، درسیم سونا یئتنده، گؤستره‌جک وطنده- اونو اؤز عمللریم منیم معللیم‌لریم! ××× علمیز گؤیه یوکسلیر، ائللره سئوینج گلیر، یوردوموزچیچکلنیر، فرحلنیر ائللریم منیم معللیم‌لریم! منیم معللیم‌لریم!

گونش هاشم ترلان‌   قیزيل‌ گونش‌ آي‌ گونش‌،  يوخدو سنه‌ تاي‌ گونش‌.  اوزاقدان‌ بويلانيرسان‌  دايیم‌ گؤيده‌ يانيرسان‌.  جان‌ وئريرسن‌ دونيايا،  قان‌ وئريرسن‌ دونيايا.  نور ساچيرسان‌ دورمادان‌،  جهاني‌ اويدورمادان‌.  يايدا بركتيندن‌،  قيشدا حرارتيندن‌.  فايدالانير دونياميز،  سنسن‌ بيزيم‌ آناميز. قوي‌ سؤكولسون‌ دان‌، گونش‌،  آلوولانيب‌ يان‌ گونش‌.

وطن‌ هاشم ترلان   وطن‌- وطن‌ جان‌ وطن‌،  جان‌ سنه‌ قوربان‌ وطن‌!  آيريلمارام‌ ائليمدن,‌  آدي‌ دوشمز ديليمدن‌.  ساوالانيم‌، سهنديم‌  دؤشلريندن‌ سود امديم‌.  اونلار منيم‌ پناهيم‌،  چؤلري‌ سئيرانگاهيم‌.  زيروه‌لري‌ حئيرانيم‌،  بولوتلاري‌ يورغانيم‌.  چايلاري‌ داماريمدير،  ثروتيمدير، واريمدير.  اردبيليم‌، مرنديم‌،  تبريزيمه‌ گوونديم‌.  اورميه‌م‌، زنگانيم‌ وار،  مين‌ بير هيجانيم‌ وار.  انا ديليم‌، شوخ‌ ديليم‌،  جاندان‌ عزيز سئوگيليم‌.  شؤهرتيمدير، شانيمدير، […]

داغلار قیزی ائلدار موغانلی  من داغلارين قيزي يام آل- قيرميزي دونوم وار، قان کيمي قيرميزي يام مني سئوه‌ر شن باهار.  × دونوم داغ ياراشيغي اؤزوم ياماجا بزه‌ک، رنگيم گونش ايشيغي گؤرونورم شفق تک.  × آديمي بيلدينيزمي- آي مهربان اوشاقلار !؟ قيرميزييام قان کيمي ، من‌له گؤزه‌لدي داغلار…  × بيلمه دينيز؟ قوي دئيم : -قيرميزي پياله‌يم. […]

دنيز قيزي رامين جهانگيرزاده دالغالار پيلله- پيلله، دنيز قيزي چيرمانير. ساچلارين اوزادارکن قايالارا ديرمانير. × گوجو چاتمير قايايا، قاييدير او دنيزه؛ دولانير ساحيل‌لري، ايزله‌يير ايزدن ايزه. × گونش ياتيب‌دير اوردا دالغالارين بئلينده؛ ساچيليبدير ياناغي دنيز قيزين تئلينده. × دنيز قيزي اوياقدير سيخير گونشين جانين. او گونشي سومورور ايچير قيزارميش قانين.

فصيل‌لر علی فرضی‌زاده(سئل‌اوغلو) گون گلدي آي دولانـدي یاز گئچـدي ياي دولاندي پاييز چاتدي نه چاتـدي ! يئل سسيـني اوجالـتـدي باغچالارين، بـاغـلاريـن بوستانلاريـن، تـاغـلاريـن اؤز حؤكمونو يئـريـتـدي قانـادلاريـن  قـوروتـدو سويوق دوشدو  داغـلارا قونـدو  خـزل بـاغـلارا ياشيل شالين آچدي  داغ دوزَنـمه دي باغچـا بـاغ باغدا دونون چيخارتـدي خزل ديـشين  آغارتـدي قيش پاييزي خوشـلادي داغدا قـاري بـاشـلادي قيش […]

گونش هاشم ترلان‌   قیزيل‌ گونش،‌ آي‌ گونش‌  يوخدو سنه‌ تاي‌ گونش‌.  اوزاقدان‌ بويلانيرسان‌  دايیم‌ گؤيده‌ يانيرسان‌.  جان‌ وئريرسن‌ دونيايا،  قان‌ وئريرسن‌ دونيايا.  نور ساچيرسان‌ دورمادان‌،  جهاني‌ اويدورمادان‌.  يايدا بركتيندن‌،  قيشدا حرارتيندن‌،  فايدالانير دونياميز،  سنسن‌ بيزيم‌ آناميز.  هم‌ گونشسن‌،هم‌ اولدوز،  چوخدور سنه‌ بورجوموز. قوي‌ سؤكولسون‌ دان‌، گونش‌  آلوولانيب،‌ يان‌ گونش‌!

بالاجا اووچولار مسعود آذر هر يانا باخيردين آغاريردي. داغ- دره‌ني، باغ- باغاتي، کندي- چؤلو قار بوروموشدو. گون اورتا چاغي مدرسه‌نين زنگي چاليندي. اوشاقلار‌هاي- کوي‌له ائشييه چيخيب، قار گولله‌سي اويناماغا باشلاديلار. صياد، احمد و بايرام‌دا بير- بيرلرينه قار گولله‌سي آتيرديلار. اونلار اوينايا- اوينايا گليب، کندين اورتاسيندان آخان چايين قيراغينا چاتديلار. اورادا يورولوب، بو اويوندان ال گؤتوردولر.چايدان […]

مهسا پیرمزرعه(8 یاشیندا) قاریشقا بیرگون وارایدی، بیرگون یوخودو. بیر قاریشقا آناسینان یئرین تکینده یاشاردیلار. قاریشقالار یایدایئمک تاپارلار کی قیشدا آج قالماسینلار. قاریشقا و آناسی دا هرگون یئمک تاپیب، یووالارینا قویاردیلار. قاریشقا آناسینی چوخ سئوردی. بیرگون بیر سیچان گئدیب گؤردو قاریشقا آغلاییر. دئدی: « یولداش!نه یه آغلاییرسان>» قاریشقا دئدی: « بیرپیس اوغلان منیم آنامی‌آیاغینین آلتیندا ازیب.» […]