اوشاق ادبیاتی

قارتالین تشککورو سید رضا حسینی بیر قارتال تله‌یه دوشموشدو. قاناد چالیر، چیرپینیر، تله‌دن جانینی قورتارماغا چالیشیردی. یاشلی بیر کیشی اونون بو حالینی گؤره‌رک اوره‌یی یاندی.«یقین اونون دا بالالاری وار»-دئیه دوشوندو و قارتالی تله‌دن خیلاص ائتدی. قارتال قاناد چالیب اوچدو. بیر نئچه گون کئچدی. یاشلی بیر کیشی کهنه ائوین کؤلگه‌سینده اوتوروب دینجینی آلیردی. گؤیده اوچان قارتال اوزاقدان خیلاصکارینی تانیدی. اوچا-اوچا کیشینین ...

ائو تاپشیریقلاری محمد احمدی‌زاده بیری واریدی، بیری یوخودو. تانریدان سونرا هئچ کیم یوخودو. البت ده اوشاقلار! بو چوخ چوخ اوزون زامان اؤنجه‌یدی. زامان کئچدیکجه هر شئی اولدو، حئیوانلار اولدولار، آداملار، ائولر، کندلر، شهرلر، مدرسه‌لر، کیتاب و قلملر و هم ده ائو تاپشیریقلاری. سوروشورسوز بس بونلار نئجه اولدولار؟‌هاردان گلدیلر؟ منجه ده سیزین ماراقلاندیغیز بو طرز شئیلر چوخ گؤزل سورولاردیلار. آمما اوشاقلار ...

تاق- تاق باشماق مهری زارع گونش قیزی تاق- تاق باشماق ایسته‌دی سئوه- سئوه گئییب قاشماق ایسته‌دی یوخسول ایدی آتا، آلا بیلمیردی آتانین حسرتی دیله گلمیردی هئی بو گونه، هئی صاباحا سالاردی وعده‌لری بیر بیر اوسته قالاردی گونش قیزی وعده‌دن شاد اولاردی آنجاق آنا ماجرانی بیلردی پرده چکیب دردینی گیزلدردی گؤز یاشینی دالدالانیب سیلردی گؤزو ساتاشدیقدا تاق- تاق باشماغا گونش قیزی ...

گلیر باهار حیدر عبادی(باریش) سیلکه‌لنیر قوجا داغلار یاشیل‌لانیر بیزیم باغلار قیچی اوسته دونموش قارلار داملا داملا یولا دوشوب داغ باشیندان سوزوب سوزوب آخیر  گئدیر اویلاقلاردان او یایلاقدان بو یایلاقدان خبر گلیر یاخینلاردا ن، اوزاقلاردان یاشیل دونون گئییر چینار نه وار نه وار گلیر باهار !

باهار نغمه‌لری رقیه علیقلیان (۱) باهار گلیب تاپ تازا آفرین اولسون یازا گئیین بایرام پالتارین گلین چیخاق پئشوازا (۲) منیـــم آدیـــم باهـــــاردی اوچ آیلیق عــؤمروم واردی آپـــاررام داغیـــن قاریــن گئتـــیررم بـاغیــن باریـــن یئـــر اوزونـــو بـــزه‌رم داغــی داشــی گــــزه‌رم قــــاری، بــوزی یئیـــه‌رم یــاشــیل دونــو گئـیه‌رم بـاغــا چیـچک ســـپه‌رم اتـــک-اتــک سپــه رم لالــه یه آل دون وئریـب یــانــاغـــیندان اؤپـــه رم آغاجــلارا آغ ...

گؤرونمز سید رضا حسینی او گون ایلقار درسه حاضیرلیقسیز گلمیشدی. چوخ قورخوردو کی، موعللیم اوندان ائو تاپشیریغی سوروشار. مکتبه یاخینلاشاندا هیجاندان آیاغینی گوجله سورویوردو. اؤز-اؤزونه دوشوندو:«نه اولایدی،گؤرونمز اولایدیم،موعللیم مندن درس سوروشمایایدی». درس باشلاندی. موعللیم بیر-بیر اوشاقلارین آدینی چکیب گلمه‌ینلری قئید ائدیردی. اؤز آدینی ائشیدنده ایلکین یاواشجا «بوردایام،-دئیه دیللندی» اوشاقلار اطرافا بویلاندیلار. موعللیم ده بیر آز سوسوب صینیفه گؤز گزدیردی. «من ...

قویون سوروسو و قوچ ب . م بیر سورو قویون چوبانین الینین آلتیندا اوتلاییب-گزیردیلر، آمما اونلار هئچده اوتلادیقلاری اوتلاردان یارارلاناممیردیلار. چون اونلار نه قدرده اؤزلرین یئدیردیب بسلدسه‌لرده ؛ سونوجدا چوبانا سود، ات، یون و‌هابئله دریلرین وئرمک زوروندا ایدیلر. بو دوروما باخمایاراق اؤزلریده بونون فرقینده دئییلدیلر، آخی اونلار قویون کیمی‌یاشاماغا قرارلی ایدیلر. اونلار بئله سانیردیلار اگر چوبان اولماسا آجلاریندان اؤلمه‌لیدیلر یادا ییرتیجی ...

سئحیرلی آغاج محمد احمدی‌زاده بیری وارمیش، بیری یوخموش. اوجا داغین اته‌یینده‌کی آغاجین باشیندا بیر قوش یووا قورموشدو. گونلرین بیر گونونده، ناغیلیمیزین قوشو یوواسیندا، اوچ یومورتا قویار و بالالاری یومورتالاریندان چیخانادک اونلارین اوزه‌رینده یاتار. سونوندا او گون گلیب چاتار و قوشون بالالاری  یومورتالارینی سیندیریب، ائشیک دونیاسینا آددیم قویارلار. نئچه گون گئچندن سونرا یومورتادان یئنی چیخان بالالار، اؤز آنالارینین سسینه ایلگی گؤسترمه‌مکلری  ...

باللی و خاللی سید رضا حسینی باللی آدیندا آری ایله خاللی آدیندا میلچک دوستوق ائدیردیلر. اونلار هر گون چمنلیکده گؤروشور، هره اؤز ایشی ایله مشغول اولوردو. باللی چیچکلردن شیره چکیر، خاللی ایسه‌هارا گلدی قونور، نه گلدی یئییردی. بیر یای آخشامی‌خاللی اؤز دوستونو میلچکلر اؤلکه‌سینه دعوت ائتدی. بورادا آغیز دئیه‌نی قولاق ائشیتمیردی! میلچک‌لر یئمک گؤرن کیمی‌بیر-بیرینه ایمکان وئرمه‌دن ایره‌لی جوموردولار. ائله ...

امزيك … كامران داداش اوغلو بيري وارميش، بيري يوخوموش. نجات آديندا بير اوغلان وارميش. هله بو زيرك اوغلان دونيايا گلمه‌ميش، آناسي بازاردان كئچيرميش. گؤروركي بير ياراشيقلي قادين، گؤزه‌ل – پارلاق قيرميزي رنگلي خارجي امزيک ساتير، خوشونا گلير، بيريني آلير. گؤرور كي ساققاللي بير كيشي قيشقيرير: – امزيك، خارجي امزيک! پارلاق ساري امزيك اونوندا خوشونا گلير، بيريني آلير. بو واخت نجات ...