ایکی شعر حیدر عبادی(باریش) ۱٫ دوداقلاردان بال گؤزله‌میرم گؤزه‌ل، ایکی کلمه سئوگی دانیشسان یئتر! گؤزلردن ده نه آی – اولدوز نه گونش گؤزلریمله تکجه آلیشسان یئتر! اللرین نه آلوو اولسون، اود اولسون، یاناقلارین نه لاله‌لی آد اولسون، تکی اوره‌ک محبت‌ایله دولسون، من دنیزه گلیب قاریشسان یئتر! ساچلارین نه کولک‌لرین بایراغی، دیزلرین نه کوره‌ک‌لرین دایاغی، نفس […]

بؤیوک آجی… مهرداد فخری بالاجا قارا بالیق بیر اوووج سودا دولانیر. سولا دؤنور، قورخور ساغا دؤنور، کاریخیر دوز گئدیر شوشه سرحدینه توخونور… … نه یامان آجی… نه بتر سانجی… … اینانا بیلمیرم خیردا آرخدان … چایلاردان… دنیزلره… چاتماقدان … آمان ، نه بؤیوک آجی… ۹۰نجی ایل یای

نه سن گلدین، نه من گلدیم! اکبر بزرگ‌امین(عاشیق جنون) ائلیم دوشدو آلوولارا، نه سن گلدین، نه من گلدیم! چاغریلاندا دوشک یولا، نه سن گلدین، نه من گلدیم! سئوگی باغین خزان قویدوق، بار- به‌هرین یولوب، سویدوق، سئوگیدن‌می‌یوخسا دویدوق؟ نه سن گلدین، نه من گلدیم!؟ «جنون»! یاندیم، توزوم قالدی، دوداقلاردا سؤزوم قالدی، وعده‌گاهدا گؤزوم قالدی، نه سن […]

سن قاپیدان گیرنده سیدجلیل حسینی بیرآن دیسگیندی روحوم سن قاپیدان گیرنده. طغیان پوسگوردو روحوم سن قاپیدان گیرنده. دوشدو منه آددیمی، روحوم گؤر نه شاددیمی؟! بلکه سئوگی داددیمی سن قاپیدان گیرنده. گؤزلر درین دوپ- دورو، باخیش سووال، قاش سورو؛ دیدیم الله سن قورو سن قاپیدان گیرنده. بیر شیمشک تک شهاب تک بیلدیم بیرده دؤنه‌جک سن‌له سئویب […]

آتام سعید موغانلی آنام سانجی چکنده اؤلمه‌میشدی بیردن ایندی آتام اوچ وعده اؤلور چؤره‌ک یئرنه آتام شوکور ایچینده ساری تئللی بوغدالاریمیزدا آتام گؤی آتلی سولطان او قده‌ر آج قالدی کانسئر بو شالدیلدی معده‌سینه او قده‌ر دؤیوشدو عراق ساواشیندا حاجی‌لار بورجا دوشوب مشهده گئتدی لندنه اوچدو او قده‌ر اوتاندیردی شلمچه‌نی برادر آغا ساری قوچلاریمیزی قوربان دوغرادی […]

ایکی شعر هادی قاراچای ۱(  باییر یئتر به یئتر، چکیلیب چکیلیب سون تورپاغیمیزدیر- دئیه اوووجلاریمیزا قیسیلدیغیمیز. یئتر به یئتر اوووجلاریمیزدا اوجاق قوردوغوموز و چیلپاق اوشاقلاریمیزا اوره‌کلریمیزین یاراسیندا یووا تیکدیگیمیز. ائهئئئی… سورگوندن سورگونه اوچان دورنالار! اوسانمادینیزمی‌اؤلمکدن و دیریلمکدن اوسانمادینیزمی‌وطنسیز یاشاماقدان؟ و سسسیزجه‌سینه اوچدولار قانادلاری بئش دورنالار. آشدیلار قارلی داغلاری دومانلی آشیریملاری. نه قوبوستان داشلاریندا دونموش ایلخی‌دان […]

دای «سنی سئویرم » دئمه‌یه‌جه‌یم آیدین باخیش دانیشماق ایسته‌میر، یازماق ایسته‌میر سئوگی گؤزلریمدن آشیب داشیب‌دیر. دای «سنی سئویرم» دئمه‌یه‌جه‌یم سؤزوم ناغیللار تک بایاتلاشیب‌دیر. دای «سنی سئویرم» دئمه‌یه‌جه‌یم دئیه‌نده خاطیرین گومانا دوشور. سؤزوم یئره‌ دوشور، سس گؤیه ‌دوشور گؤیدن نئچه آلما یان- یانا دوشور. بیزیم بو سئوگی‌نین یولو باغلی‌دیر نه منده گوناه وار، نه هکئرلرده. اینان […]

ساتیلمایان وطندی… رقیه عبدیلی(سازاق) هئچ نه‌یین قیمتی یئرینده دئییل، هئچ نه‌یی ساتماغا راضیلانمیرام. بیر عؤمور چکدیگیم آجی گونلری بیرآن شیرین دئییب، شیرین آنمیرام. عؤمرومو ساتمیرام، اؤلچو قابی یوخ، سئوگینی اصلا یوخ! سئوگی ساتیلماز؛ کسیلر ات اوزدن کسیلر دیرناق سئون اورک هئچ واخت، هئچ واخت آتیلماز ساتماغا بیر ماتاه، بیر عیار داشی، گتیر آللاه، گتیر ،گتیر […]

شعیر سعید صادقی‌فر منه بیر ایستکان شعیر سوز شیرینلییی اولماسادا شعیرلییی اولسون! رنگی چای، دادی یالقیزلیق اولسون، قوخوسو بوزوشدورسون دوداغی، سیجاقلیغی اؤپوشدورسون سؤزجوکلری. منه بیر ایستکان شعیر سوز قندسیز شعیر ایچه‌جه‌یم! بو گئجه؛ سن سوزدویون شعیرلر بال دادی وئره‌جکلر…

-دینمه! دئدیلر دادمان فروزنده(دوشگون قوجا بئیلی) اوره‌گیمد‌ن دئدیم، دیلیمدن دئدیم وطنیمد‌ن دئدیم، ائلیمد‌ن دئدیم گؤزومده داشلانان سئلیمدن دئدیم -دانیشما! دئدیلر، -دینمه! دئدیلر. ال آتدیم زیروه‌یه، ال آتدیم داغا دوشدوم دره‌لره داش یاغا- یاغا قاریشدیم بورانا، باتدیم چوغانا -دانیشما! دئدیلر، -دینمه! دئدیلر. گول اکدیم شبنم‌سیز تالاندی نرگیز کسدیلر یولومو سسیز- سمیرسیز آسدیلار ساچیمدان سویدولار گوندوز -دانیشما! […]