کیم‌سن؟ / سهیلا نیکخواه ۱۱ آذر ۱۳۹۸

کیم‌سن؟ / سهیلا نیکخواه

کیم‌سن؟ سهیلا نیکخواه کیم‌سن؟ پاییزین اوره‌یینه هوپان یاغیش؛ یا کی سارالمیش یارپاغین قوپان سسی؟ کیم‌سن؟ قهوه‌نین بوغوندا دادلانان آجی؛ یا کی قیزارمیش گونشین باتان چاغی؟ کیم‌سن؟ باغریما کال داریخمالار دوشن چاغی یا اوچوروملار قوینونا هؤنکور- هؤنکور دامان دومان؟ هؤرورم گئجه‌نین ساچین؛ قوروشقامدا آجی قهوه قیزیشیر یاش یارپاق یاپیشیر شوشه‌نین دال اوزونه؛ شیلتاق وئریر‌هاوا، کولک هووخورور؛ […]

شعر
انتظار / زینب فرجی ۰۶ آبان ۱۳۹۸

انتظار / زینب فرجی

انتظار / زینب فرجی سنی سئویرم، دوداقلاریمدا آدین یانیر، گولوشلریمده سولغون گؤرکم دویغولاریمدا اؤزلم دوغولماقدادیر‌. گؤزلرینی آچ ایچیمه سئوگی ساچ ایکی گون قالیر دونیامیزدان! سئوگی کؤچه‌جک حسرت قالاجاق. سنی یئل‌لر باغچاسینا گؤندرمیشم مکتوب‌لاری آلسان قاییت کؤنلومه! گئجه‌لر داریخماق بوغازیمی‌سیخیر. تزه آیاق قابی‌لاریمی‌وئرسئیدیم سنه پئشمان اولمازدیم. بیلیرم گونش چیخاجاق قارانلیق کؤچه‌جک قارلار اَرییه‌جک گونش اوزاقلاردا باتان […]

ایکی غزل / منوچهر آزاد فانی ۱۷ مهر ۱۳۹۸

ایکی غزل / منوچهر آزاد فانی

ایکی غزل منوچهر آزاد فانی (۱) ایچیمده ۶۰ ایل اؤلدوم، ایچیم قبیر کیمیدی نه وار ایچیمده منیم پاسلی بیر دمیر کیمیدی بو یار ایچیمده منیم سکگیز ایل قوروب سنگر و بعث‌لر دؤیوشونده اولان اسیر کیمیدی منیم دادیم- دوزوم اولموش منه جییار پاراسی منیم وطندی بوتون ایسته‌ییم فطیر کیمیدی گؤزومده شاهگؤلو قوردوم چیمیزدیرم غزلی غزل ده […]

سن منی گؤتوردون… / آیدین باخیش ۱۷ مهر ۱۳۹۸

سن منی گؤتوردون… / آیدین باخیش

سن منی گؤتوردون… آیدین باخیش سن منی گؤتوردون بیر باده کیمی اؤتورسن الیمی‌نئیله‌ملی‌یم؟ آدینی اوستومدن گؤتورسن آخی من دلی کیمین‌له اوینامالی‌یام؟ الین اللریمده، گؤزون گؤزومده- هله اولا- اولا گؤزوم دویانمیر. بو سئوگی بوینومدا نه‌دیر؟ بیلمیرم! دیلچی‌لر هله‌ده آدین قویانمیر. سپیل اوره‌ییمه اولدوزلار سایاق، قارانلیق کؤنلومه بیر آز دان دوشسون! اؤلمه‌سه گؤزومون آجالمیش قوردو سن گؤیدن […]

شعرلر / آنیر قوجام ۲۱ شهریور ۱۳۹۸

شعرلر / آنیر قوجام

شعرلر آنیر قوجام (۱) اوخویا بیلمیرم سنی اودور قایغی‌دان قابار چالیرام بو‌هانکی چالغی‌دیر چالینیرمی‌گؤزلرینده. دویا، دویا، دویا بیلمیرم گؤرورم، گؤرورم، گؤرورم سنی تانیماق، اؤیرنمک هوسیله ده یانیرام، یانیرام اؤیره‌نه بیلیرم آخ … هئی … اؤزگه‌لشیرسن اوزگه‌لشیرسن آن با آن. اودور جنونام چیلغینام اودور زنجیرده‌دیم ندن، ندن … اوخویا بیلمیرم، اوخویا بیلمیرم سنی! (۲) ائوینه چاتان […]

نازلی / بهزاد بیات‌فرد ۲۱ شهریور ۱۳۹۸

نازلی / بهزاد بیات‌فرد

نازلی بهزاد بیات‌فرد کولان چکین قاپیدان، یولدادیر گلیر نازلی دئیین کی گلمه‌یینی سئوگیلین بیلیر نازلی! نیفیس‌ده‌یر دئیه‌رک اود آچیب دوروب قاپی‌دا اوزرلیک ‌الده کؤمور اوستونه چیلیر نازلی! اومان ‌گؤزونده‌ قالان،سئوگیسین سریبدی یولا پاییز بولودلاری‌دک گؤز یاشین الیر نازلی! آل آلمانین سایاغی ساخلاییبدی ‌سنله‌ دادا او عؤمرونو سن ایله اورتادان بؤلور نازلی! آلیب قوجاقدا غزل کؤرپه‌سین […]

ایلک عشق / حاجی هریزلی ۲۱ شهریور ۱۳۹۸

ایلک عشق / حاجی هریزلی

ایلک عشق حاجی هریزلی سن کؤنلومون ایلک عشقی بو دونیاده‌ا‌یمیشسن بیلمم‌می‌حقیقتده یا رؤیاده‌ایمیشسن؟ بیرعؤمرخومارلیق چکیرم دادمادان اول ای شهد لب یار نه یامان باده‌ایمیشسن! سؤز وئردی گله، سن ده ایناندین دلی کؤنلوم‌، دیوانه‌لیگین بیریانا؛ چوخ ساده‌ایمیشسن! بعضی‌لرینه باده و میخانه سن ای عشق، بعضی‌لرینه مسجد و سجاده‌ایمیشسن! عشقین اودونا یانمادا بو یاشدا «هریزلی»- صنعان کیمی‌روسوالیغا […]

«نییه چیخدیق یولا بیز؟!» / سحر خیاوی ۲۰ شهریور ۱۳۹۸

«نییه چیخدیق یولا بیز؟!» / سحر خیاوی

«نییه چیخدیق یولا بیز؟!» سحر خیاوی گئدیردیک قاسیرغالی‌هاوادا داغ-دره لی،اوچوروملو یوللاردا تؤکولوردو باشیمیزا خزل‌لر بئینیمیزده پوسکورن وولقان اوره‌ییمیزده دلی‌سوو دنیز گئدیردیک توزاناقدا باشی‌هاوالی-سرسَم چؤر-چؤپ گؤزلریمیزده آیاقلاریمیز قابار-قابار آچارکَن گؤزلریمیزی چیخیلماز کوچه‌لریدی آچارسیز قاپی‌لار هر یئر دووار-دووار بیزیدیک پئشمان آیاق‌لار حوزونلو باخیردیق آرخامیزا گلدیگیمیز قانلی-قادالی یول‌لارا آخیتدیغیمیز قان-تَره قارانلیغا آخیشان سونوج‌لارا گئجه‌نین دریسی داها قاتیلاشمیشدی زاوال‌لی […]

دونیا / مقصود تقی‌زاده هریس (نیسگیل) ۱۶ شهریور ۱۳۹۸

دونیا / مقصود تقی‌زاده هریس (نیسگیل)

دونیا مقصود تقی‌زاده هریس (نیسگیل) آرزیلاریم یاریم قالدی، بو دونیانین یاریسی یوخ! بلکه بونون یییه‌سی یوخ، بلکه بونون تاریسی یوخ! نه آلچاقدی، نه اوجادی، تاپیلماز بیر تاپماجادی، هر یئری باجا – باجادی، پتک‌دیرسه، آریسی یوخ! عؤمورو بیر، یاشی بیردی، قبیری بیر، داشی بیردی، آیاغی بیر، باشی بیردی، آشاغی- یوخاریسی یوخ! ایل‌لردیر بیزی آلدادیر، شکر دئییر، […]

چاش-باش دونیا / رامیز تای‌نور ۱۶ شهریور ۱۳۹۸

چاش-باش دونیا / رامیز تای‌نور

چاش-باش دونیا رامیز تای‌نور کیم تؤکوبدو قیشی یازا، بو قده‌ر قارقیشی یازا… یازی پوزوب قیشی یازا، نییه چاش-باش اولوب دونیا؟! قیش دا ایستی‌دن پیشیریک، یازدا سویوقدان اوشوروک. الیمیزله قبر ائشیریک، ائله بیل کی اؤلوب دونیا. الیمیز بوش، قارنیمیز آج، انسان چؤره‌یینه مؤحتاج. داش بیتیریر داها آغاج، آجیندان سیسقالیب دونیا. انسان دؤنور بوز عصرینه، دایناسور-دونوز عصرینه. […]

او تایدان مکتوب / سحر خیاوی ۲۰ مرداد ۱۳۹۸

او تایدان مکتوب / سحر خیاوی

او تایدان مکتوب سحر خیاوی (مهسا عبدالعلی‌زاده دوستوموزون روحونا سونولور) آیلی-اولدوزلو یای گئجه‌لرینی سئوردیم دوستوم، سَرین مِئه ساچلاریمی‌اوخشایارکن ائیوانیمیزدا اوتورماغی خولیالارا دالماغی و باشیم چیینینده شعر یازماغی… یئتردی ایکی دیلیم قارپیز اولسون یوخسا ایکی ایستیکان گیلانار چایی بیر جیغیر قویایدین هئچ اولماسا اینصافسیز، گئجه‌لر، آی-اولدوز قوناق گلسین قارانلیق داخماما. دویغولاریم قورخوشور گئجه‌لر بوردا، بو داریسقال […]