Tag Archives: لیلا کحالی

بوگونکو اوچوش هوسی… / لئیلی کحالی

دونیا قادین‌لار گونو موبارک اولسون بوگونکو اوچوش هوسی… لئیلی کحالی بیزدن سونرادیر بو یاشام ! بیزدن سونرادیر گؤزلرین… و سسینه قونان سئرچه‌لر بیزدن سونرادیر باخدیغیمیز پنجره‌لر… سونراکی کوچه‌دیر قاپیلارین دوغما وطنی… دونیانین نم‌هاراسیندا دایانان قاتاردیر و بیزی هر طرفینده نم‌هارا قاچیردان… آیاغلاریمیز بیزدن اؤنجه‌دیر و یوللار بیزدن سونرا… دلی دئییل آدام دلی ائدیرلر آدامی! سونراکی یاشامین سونراکی گؤزلری بیرده سونراکی ...

Read More »

شعرلر / لئیلی کحالی

شعرلر لئیلی کحالی (1) بیر آز داها اوزاقلاشیب سئیر ائتمک ایسته‌ییرم اؤزومو! سن گلن گونو گؤروب سن یئتیشنده من‌هانسی قوشام؟ بیلمک ایسته‌ییرم… (2) بوگون سنی گؤردوم 10 ایل اولوردو گؤرمه‌دیییم 8 ایل اولور اؤلدویون… گولوشونله باش باشایدین دیلیمده دلی قوش اولدو سلام دولاشدی چیرپیندی ایچیمده قالدی… بیریمیز اؤلموشدوک بیلیردیم یقین دئدیم بیلسک‌هانسیمیز او بیری اؤلر… سلام وئرمه‌دیم… (3) هاردا آختاریم ...

Read More »

قیسا شعرلر/ لئیلی کحالی

قیسا شعرلر لئیلی کحالی (1) توروما دوشمه‌دی قیرمیزی بالیق الی بوش دؤنورم سئوگیندن سنین. فیرتینا قوپاجاق بو دنیزلرده یئنه دالغالانیر ماوی کؤینیین؛ قاییغیم باتاجاق سینه‌نده سنین… (2) نه واردان وار نه یوخدان یوخ ایمکانسیز قالان ایمکان آدامی… آللاه اولسایدیم آغلاردیم… (3) هردن بئله داریخیرام هردن بئله غوربت اولور لاپ آنامین اؤز قارنیندان اوگئی آنا دوغور منی… (4) باشیمداکی آغیر سورغو ...

Read More »

سنی چوخ گؤردولر/ لئیلی کحالی

سنی چوخ گؤردولر لئیلی کحالی  آی دوغوردون پنجره‌مده دووارلاری اوجالتدیلار… سنی چوخ گؤردولر، گول آچیردین باغچامدا پاییزی چاغیردیلار… سنی چوخ گؤردولر، قان دولوردون اوره‌ییمده قورشون اولدولار منی ووردولار…

Read More »

سن آلما آتمادین… / لئیلی کحالی

  سن آلما آتمادین… لئیلی کحالی سن آلما آتمادین اونا گؤره من ده گلین چیخمادیم! کوچه نیزدن قاییتدیم. آخی دئمیشدین بیر مکتوب یازیبسان منه. هریئری آختاردیم ماغارا گونلریمیزدن تا بو شهرلره قدر. نه گؤیرچین لر گتیردی اونو نه پستاچیلار. نه ایمئیلیمه دوشدو نه جیب تلفونوما… اونا گؤره من ده جاوابلامادیم! سونرا اوشاق اولوب ناغیللارا قوشدوم اؤزومو سئل آپاردی سارانی… آنام ...

Read More »

قاچاق یوللاری…/ لیلا کحالی

قاچاق یوللاری… لیلا کحالی  اؤزومدن چیخیرام اوجا دووارلار ! اؤزومه دؤنورم باغلی قاپیلار! نئجه چیخماق اولور بو لامکان‌دان؟ هانسی تاکسی گئدیر هانسی اوتوبوس؟ نه قاتار یوللانیر نه اوچاق اوچور… دوغولدوغوم قیش‌دان هله قار یاغیر آنام آغری چکیر دونیا فیرلانیر باخیرام بو زیندان اؤز بویومجادیر اوزای دان اوزای آ ! آددیم با آددیم . بیر آددیم ازل دیر بیر آددیم ابد! ...

Read More »

تور آتیرسان !/ لیلا کحالی

تور آتیرسان ! لیلا کحالی  تور آتیرسان ! قانیم ماوی‌لشیر ساچلاریم بولود اولور‌هاوادا قیرمیزی بالیغلار دسته‌سی‌دیر اوره‌ییم . دالغالانیرام… کیم منی بئله دنیزلندیریر؟!

Read More »