Tag Archives: سپیده رسولی

بیز مدرن چکیریک دردلریمیزی / سپیده رسولی

بیز مدرن چکیریک دردلریمیزی سپیده رسولی من تکجه دوغوم گونومده دوغولمادیم آنا تکجه مزاریمین اوستونده یازیلاجاق اؤلوم گونومده، اؤلمه‌یه‌جم مینلرجه دوغوم گونو وار ایچیمده مینلرجه اؤلوم گونو آی ی ی ی ی ی ی آنا بیز مدرن چکیریک دردلریمیزی! بیز آیریلامادیق رؤیالاریمیزدان و رئال، جان قیزدیرمیر هئچ آه بیز مدرن چکیریک دردلریمیزی گولومسه‌لی پروفایل شکیللر پایلاشیریق فیسبوک‌دا، تلگرام‌دا، اینستاگرام‌دا و ...

Read More »

گلین آپاریرلار سینه‌مده! / سپیده رسولی

گلین آپاریرلار سینه‌مده! سپیده رسولی  بؤیوک- بؤیوک گمی‌لر گلسه‌ده، بوغولمالی‌یام بو قیرمیزی بالیقلی سودا؛ آی قیرمیزی یاناقلی بالیق‌لار دوداقلاریم‌لا نفس آلماق زوردی، گلین دولون آغزیما نفسلندیرین سینه‌می! سینه‌م شپه‌لی دلی دنیزلر‌هاواسی چالیر، قولاغینی یاتیرتسایدین سینه‌مه آیاق‌لارین یئرده دایانمازدی بو آن، سینه‌مده گلین آپاریرلار آخی گلینلیک پالتاری سو اوزونده، لوم لوت بئی ائوینه گئده‌ن بیر گلین! آی قیرمیزی یاناقلی بالیق‌لار، گلین ...

Read More »

یاغار بولوت/ سپیده رسولی

یاغار بولوت سپیده رسولی یاغار بولوت یاغماسین نئیله‌سین!؟ اوزاق‌لاشیرسان اما بیلمیرسن هانکی زامان گئدیب دولدوراجاق‌سان آرامیزدا کی مسافه نی! او “زمان” بئینیمه یئرلشمیر یاغار بولوت یاغماسا قارانلیق لاری دوغار سنی دوغار بو چیرکین حیاتا ! یاغار بولوت گرک یاغسین آیدین‌لیق‌لارا چیخارتسین سنی بو چیرکین حیاتی ! یامان داریخیب یاغار بولوتون سن بیلیرسن اما سانکی بیلمیرسن !

Read More »

قیرمیزی آج بالیقلار/ سپیده رسولی

قیرمیزی آج بالیقلار سپیده رسولی اوزاق دور مندن سیجیللیمین ایکینجی صفحه‌سی! اوزاق دور مندن اوره‌ییمین ایکینجی دویمه‌سی! شهرین کیچیک میدانیندا دیسکینیب، اوزولوب مندن سنسیز دیبرلانیپ سسله‌نیر قولاغیمدا. اوزاق دور مندن! دنیزلرینین سویو  داشیپ بو کیچیک میدانی دولدوروب قیرمیزی آج بالیقلارین‌لا، پوزوبدو یاراتدیغینی. اوزاق دور مندن! باخما بالیقلارینین قیرمیزی یاناقلارینا، اوتاندیر اؤزونو قاناد الینده کی چرقدیمی، سووار گؤزونو. اوزاق دور مندن! ...

Read More »

سیران/سپیده ‌ رسولی

سیران سپیده ‌رسولی شین‌آباد مدرسه‌سینین یانغینیندا یانان عزیز و گؤزل سیران یگانه‌نین خاطره‌سینه جوجوق‌لوغون سنی آختاریر اوغورلاناممادی بیلَندن هارا آپاردی بو اود سنی، سیران هانکی سو بو اودو سؤندوره بیلر اورمو گؤلو سویو یئتر؟ آی اورموم سوسوزدو آی سیران اورمون سوسوزدو هاردا اکیم گؤیره‌سن یئنی‌دن هاردا؟! بو چوخ زور نیسگیل‌لرین بوی آتیب بو تورپاغی اوزونه بَلییه‌جک باشیمی‌قویوم قاپ قارا تورپاغین ...

Read More »

ﮐﺆینه‌یینی منه وئر/ سپیده رسولی

ﮐﺆینه‌یینی منه وئر سپیده رسولی ﮐﺆینه‌یینی منه وئر وئریم ایچیمده کی قورد اییینی آنلاسین سنه ساری گلسین ! هر گئجه ﮐﺆینه‌یینین دویمه‌لرینی دیشیم‌له آچیپ رﺆیالاریما چاغیریرام ایچینده‌کی بوغداشین قیزی ! ﮐﺆینه‌یینی منه وئر سریم شریتیمیزه آی دولو اولان گئجه سئوگیمیز آیدینلیغا چیخسین !

Read More »

سئومه‌لی توپراغیم/ سپیده رسولی

سئومه‌لی توپراغیم سپیده رسولی  سنی اونوتماق توپراغی اونوتماق‌دی! قولچاغین کیمسه‌ده دایانمیر سن لازیم‌سن نفس‌لرین لازیم‌دی اینجه ال‌لرین لازیم توپراغی اینانماق سنی اینانماق‌دی! گله‌جک بوتون سئوگیلی‌لرین سنی آختاراجاق بیر ایتگی کیمی سئومه‌لی توپراغیم!

Read More »

قوجاغین امنیتسیزدیر/ سپیده رسولی

قوجاغین امنیتسیزدیر سپیده رسولی اینجه آیاق بیلکلرینی تومارلاماق ایسته‌ییرم منه ساری گلنده آیاقلارین قیسقانج شهریمیزین اوره‌یینی اوزوبدور یاواش گل پیرتلاشیق سینه‌م سنین نفسلرینله چیرپینیر پوزغون دوداقلارینی داملا- داملا دوداغیمین اوستونه قوی سوسوز دامارلاریملا عطشلنیم سنینله آما یوخ دایان شهرین تایسیز باخیشلارینین آراسیندا قوجاغین امنیتسیزدیر!

Read More »

نیسگیل / سپیده رسولی

نیسگیل سپیده رسولی نیسگیل دووارلارینی ییخیب بیر یووا تیکه‌جم گیزلیجه سنه چاتماق زوردور آمما خیالیمدا هر شئی امکان تاپیر من سنینله بیرلیکده آمما سنسیز! ایسته‌سن الینی اوره‌ییمدن چکه‌سن چک یاواش یاواش بیردن یوخ اولای اولاجاق هله‌لیک تئزدی بو یووانی ییخماغا !

Read More »