Tag Archives: حسین چوبان

ایکی شعر / حسین اتابک(قاییتماز)

ایکی شعر حسین اتابک(قاییتماز) ۱٫ قاییتماز قارانقوشوم قالدیم باهار حسرتینده قیشیم بیتمز قارانقوشوم! دوندوم هیجران شاختاسیندا دؤن قاییتماز قارانقوشوم! دورنالارلا بو باهاردا قاییت قویما اینتیظاردا سن گلمه‌سن بو دییاردا باهار اولماز قارانقوشوم! هر گلنده سنین سسین تورپاق آلیر یاز نفسین بو ائللرین شن نغمه‌سین کیمسه اؤتمز قارانقوشوم! قاییتمادین‌هاردا قالدین اوره‌ییمین صبرین آلدین سن باهاری دؤنمز اولدون من «قاییتماز» قارانقوشوم! ۲٫ ...

Read More »

سئومه‌یه‌جه‌یم / حسین اتابک (چوبان)

سئومه‌یه‌جه‌یم حسین اتابک (چوبان) سئون اورکلرده عشقدن اؤنجه کئشکه حؤکم ائده‌یدی عاغیل، دوشونجه سئومه‌ین سئویلسه گوناهدی منجه منی سئومه‌ینی سئومه‌یه‌جه‌یم. اوره‌ک یوز چیرپینیب یوز اللشسه‌ده تله‌سیب گؤروشه گؤز اللشسه‌ده سنینله حیاتیم گؤزللشسه‌ده منی سئومه‌ینی سئومه‌یه‌جه‌یم. کؤنلومو بیر ته‌هر اوووداجاغام سنسیز گونلریمه قاییداجاغام سنی گونده یوز یول اونوداجاغام منی سئومه‌ینی سئومه‌یه‌جه‌یم. شعیر باغچام سولوب خزله دؤنسه هر نه‌ییم چئوریلیب کؤزله دؤنسه ...

Read More »

وطن نغمه‌سی/ حسین چوبان

وطن نغمه‌سی حسین چوبان  یئتیم بیر گول کیمی، بیر لاله کیمی آیریلیغدان سولموش یاناغیندا من. موشتولوق گتیرن تبسوم کیمی پار- پار پاریلدایام دوداغیندا من. × سنین آل سحرین دوغانا کیمی گونشین ظولمتی بوغانا کیمی شادلیق اوره‌کلره یاغانا کیمی اری‌ییب یاغ اولام چیراغیندا من. × سنینله چاغلایام آخار چای کیمی سئوینجین پایلایام شیرین پای کیمی ایشیق ساچام اولدوز کیمی، آی کیمی ...

Read More »

داریخیرام/ حسین چوبان

داریخیرام حسین چوبان  گلیرسن یوخوما قارانقوش کیمی عؤمروم زولاللاشیر گؤزده یاش کیمی چیرپینیر اوره‌ییم ایلک گؤروش کیمی قالیرام قارشیندا لال داریخیرام قویما بو آیریلیق میدان اوخویا سئوگی یول‌لارینا چپر توخویا بیر گئجه یوخومدا قالیب یوخویا بیرجه گون منیمله قال داریخیرام گؤزومده حسرتین آغیر شله‌سی یولومدا دونیانین هیجران تله‌سی قورخورام کی گون‌لر اؤته بئله‌سی گلدیکجه اوست-اوسته ایل داریخیرام “قاییتماز” عؤمروموز گئدیبسه ...

Read More »