Tag Archives: ائلیار پولاد

هدف / ائلیار پولاد

هدف ائلیار پولاد دونن گئجه‌دن یاغان قار هر یئری آغارتمیشدی. مدرسه‌نین حیطی طلبه‌لرین آیاق ایزلریله بزنمیشدی.‌های-کوی سالان گنج یئنی یئتمه‌لر زنگین سسی ایله سینیفلره دوغرو هجوم آپاردیلار. اونونجی سینیفین طلبه‌لری حیطده قالمالی اولدولار. اونلارین ایدمان ساعاتی ایدی. حیطده اولوب و ایدمان اویرتمنینی گؤزله‌مه‌لی ایدیلر. *** ائلدار معلم مدرسهنین ایدمان اویرتمنیدیر. پئشه‌سینی جانلا- باشلا سئون بیر معلم، طلبه‌لرین قاییغیسینی چکن بیر ...

Read More »

گؤی قورشاغی / ائلیار پولاد

گؤی قورشاغی ائلیار پولاد گونون اورتا چاغیدیر. یاز یاغیشی شیدیریغی یاغیر. تله‌سرک ائوه گلیرم. اوست-باشیم تامام ایسلانیب. ایچری گیردیکده، ائله گیره‌جکده اوست پالتاریمی‌سویونورام. عایله‌م بیرلیکده ائوده‌دیرلر. من ایچری گیرر _گیرمز، اوغلوم قاچیر قاباغا: – سالام آتا، آخشام سؤز وئرمیسن بو گون منله توپ اوینایاسان. من ده جاواب وئریرم: -اوغلوم باییردا یاغیش یاغیر ، ایندی اولماز. نئینک، یاغیش کسسین گئدیب حیه‌تده ...

Read More »

قیزدیرما / ائلیار پولاد

قیزدیرما ائلیار پولاد سالون آیاقدان باشا دولموشدو. آپاریجی اونون آدینی سسله دی. تمکینله صحنه یه طرف آدیملادی. اوندان اول ایکی نفرده صحنه ده یدی‌لر. اویونون قایدالاری آپاریجی طرفیندن سؤیله نیلدی. اونلار کامپیوتر آرخاسیندا بیر اویون اوینامالی ایدیلار. اویونلار بؤیوک اکراندا نمایش ائدیلیردی. اویون گئنیش بیر شاهمات صحفه سینه اوخشاییردی، آنجاق آغ-قارا ائولر یئرینه بوتون ائولر آچیق چؤهرایی رنگینده‌یدی. ائولرده انسان ...

Read More »

سون قرار / ائلیار پولاد

سون قرار ائلیار پولاد سحرین حزین مئهی اونلارین گؤزلرینده‌کی گئجه‌دن قالان یوخونو قاچیریردی. ایشه رغبتله باشلامیشدیلار. اوستالاری یوبانسادا اونلار اؤز ایشلری‌نین عؤهده‌سیندن گلمه‌یی یئترینجه باجاریردیلار. گونش یاواش-یاواش بویلانیر و بوتون جانلی و جانسیزلارا ایشیق و حرارت باغیشلاییردی. او، پلان خریطه‌سینی ایش میزی‌نین اوستونه سره‌ره‌ک، دؤرد بوجاغینا آرماتور تیکه‌سی قویدو کی یئل آپارماسین. اؤلچولری پلاندان اوخویوب مترین اوجونو کؤمکچی‌سینه اوزاداراق اؤلچولری ...

Read More »

قایا و من / ائلیار پولاد

قایا و من ائلیار پولاد تکلیگیمدیر سالخیم سؤیود کؤلگه‌سینده دینجه‌لرک سال قایالار دوزوم- دوزوم دوزولمه‌ده؛ سانکی آرازخانا ائو تیکیرم، حیاط یانی ساحه‌نی‌ده آییریرام؛ گؤزوم باخیر، روحوم گزیر؛ بو قایانی چوخ گؤرموشم، ائله بیل کی ایللر بویو یولداش اولوب، یول گئتمیشیک، یول گلمیشیک. ساوالانین اوره‌یینده، قاراغاجین کوره‌یینده – دوغولسادا، ایندی بوردا خان آرازین ساحیلینده دینجه‌لیریک؛ یول یورغونو اولماغینا باخمایاراق، یئنی یوللار ...

Read More »

شعرلر / ائلیار پولاد

شعرلر ائلیار پولاد (1)، وَرَم یاتاق دان زیلله میشدی گوزلرینی سولغون آیا. قاپیلمیشدی ایچینه: ” آپاراجاقمی‌اونو اؤلوم ؟ محو ائده‌جکمی‌اونو وَرَم؟”… ائشیدیردی سحرین باکیره‌لییینده قوشلارین نغمه‌سینی؛ دویوردو دان یئری‌نین سؤکولمه‌سینی؛ اومید ائدیردی گله‌جه‌یه یئنی‌دن یاشاماغا …. (2)،قارا لپیرلر ساغ الیمده قلم و سولدا ال آلتی بیر ورق اوزانیر گؤز اؤنونده آغ آپباغ ، بم- بیاض بیر دوز‌نلیک. آخیر قلمدن سیرا ...

Read More »

ایکی شعر/ائلیار پولاد

ایکی شعر ائلیار پولاد  (1)دوروم باغیریردی سس‌سیزلیگیمده حیات؛ کؤکسومه سانکی اود قالامیشدیلار، یانیردی قافام گؤینه‌ییردی ایچیم، سالخیم سؤیوده بنزه‌ییردی بوتون دوروشوم. فیکیرلر اورتاسیندا دوشگونجه‌سینه داریخیردی- شعور آلتی بیلینجیم، اریییردی بیر وارلیق غورورونا دایانارکن… (2)حرف‌لر آنلاديم گؤزلريندن ابديتين نه اولدوغونو؛ اؤيره‌نديم اوره‌ييندن لاله‌نين قان رنگيني؛ دانيشا بيلمه‌ديم، دويدوم كلمه‌لري؛ هوپدو وارليغيما هاوادا اوينايان حرفلر: آ… زاد… ليق.

Read More »

تاپشیریق/ ائلیار پولاد

تاپشیریق ائلیار پولاد یوخ اولورسان بودونیادان یاواش -یاواش اؤنجه قووولورسان ایش یئریندن، سونرا بازاردان . ائوه دؤنه بیلمیرسن الی‌نین بوشلوغوندان . یاواش – یاواش یوخ اولورسان- قوهومدان – قارداشدان . بوتون قاپی‌لار اوزونه باغلانیر قبرستانلیقدان ساوایی . بیر تیکه کاغیذا یازیرسان: “منی باسدیراندا موطلق سویوندورمایین بؤیوکلر اتیمین تؤکولمه‌سیندن و اوشاقلار اسکلئتیمین کابوسوندان دهشتلی یوخولار گؤرمه‌سین  دئیه…. ” 7/9/91  

Read More »

گئجه‌نین سونو/ ائلیار پولاد

گئجه‌نین سونو ائلیار پولاد … الی ایشه گئتمیردی. فیکرین توپلایا بیلمیردی. دوشونوردو گؤره‌سن نئجه اولاجاق؟ آخشام اوشاغی‌نین قیزدیرمادان هذیان دئمه‌یین اونوتمامیشدی. حیات یولداشی اوشاغی حکیمه آپارماسینی دئسه‌ده، قولاق آردینا وورموشدو. بیلیردی کی هئچ حکیم پولسوز باخمیر. هله حکیم باخسادا درمان دوکانلاری پولسوز درمان وئرمزلر. اودور کی بیر تئشت گتیریب، اوشاغین ال- آیاغین سویوق سو اییلا یویاراق، اونون تضیقینی آزالتمیشدی. اوشاق ...

Read More »

ایکی شعر / ائلیار پولاد

ایکی شعر ائلیار پولاد   (1): انجير وزيتون دونيايا گؤز آچديم، بوكولدوم انجير يارپاغينا. ياغدي ياغيش ! زيتون يارپاغيندان سوزولن  سو آخدي دوزلاق دوداقلاريما. و  ماويلشدي دوشونجه‌م… (2):دونياميزين قاتاري آشيريملاري آشيرسان گديکلرده دينجه‌ليرسن، دوزنگاهدا نفس چاتمير؛ همشه بئله‌دي: زور اولان يئرده اييلميشیک، اوستونلوکده زور دئميشیک. عؤمور کئچير قاتار کيمي: کوپه‌لره دوزولموشوک سن ده من ده بير کوپه‌ده دونياميزين قاتاريندا…

Read More »