چئویرن: ایبیش شیری
ترجمه: ایبیش شیری
ایبیش شیری

سینه‌نده سازینا قوربان,
اوخو, آوازینا قوربان,
قیشینا، یازینا قوربان,
چال عاشیق، ساز دیله گلسین!
قوی سعادت ائله گلسین!

عاشیق ائلدن کنار اولماز,
کوراوغلوسوز نیگار اولماز,
گولوستانسیز باهار اولماز,
یاراشیغی ائلین عاشیق!
باغلانماسین دیلین عاشیق!

بو تورپاقدا دوغولوبسان,
چوخ ازیلیب، بوغولوبسان,
سن آتشدن یوغرولوبسان،
ائل عشقی له یانان عاشیق!
خالقین دردین قانان عاشیق!

سینه‌ن اوسته آل سازینی
بیر آن سوسما, چال سازینی
دیندیر دالبادال سازینی
تیترتمه‌یه سال سیملری
دیله گتیر لال سیملری

گز, دولان بو دیاریمی,
آل- الوان لاله‌زاریمی,
اوخشا گول اوزلو یاریمی,
چال سازدا ظفر نغمه‌سین!
اوجالسین گؤیلره سسین!

سازیندا وار سؤزؤم هله
قان ــ یاشلی دیر گؤزوم هله
حسرت دندو آیا , ایله
چال داغیلسین کدر- غمیم,
آچیلسین ووصال یئلکنیم.

الیم چاتسا اولدوزلارا
نیچه سین گتیررم بورا،
باغیشلارام عاشیقلارا،
اولدوزلو اولسون یوللاری
قدرتلی اولسون قوللاری.

۷ خرداد ۱۳۶۸

چاپ

2 پاسخ

  1. سیز آلاه بیر نفر منه یاردیم ائتسین.من نئچه ایل قاباخ بیر دوداق دیمز شعری اشیتدیم.چوخ گوزلیدی.امما هئچ بیر یاندان تاپا بولمورم!!!بیر گوزل عاشقانه شعریدی.کیریخماسام عاشیق اهلیماندانیدی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

چال عاشیق

ایبیش شیری
www.ishiq.net

آذربایجان ادبیات و اینجه‌صنعت سایتی

چال عاشیق

ایبیش شیری
www.ishiq.net

آذربایجان ادبیات و اینجه‌صنعت سایتی

چال عاشیق

ایبیش شیری
www.ishiq.net

آذربایجان ادبیات و اینجه‌صنعت سایتی