چئویرن: ع. ن. چاپار
ترجمه: ع. ن. چاپار
ع. ن. چاپار

ائودن چؤله چیخدی قیز
قیزین آدیدی “اولدوز”
بیردن آیاغی زویدو
اونو یئره ووردو بوز
دوردو اؤتدو بوز اوسته
او گؤزه‌ل بویو بسته
اوزون توتدو قارلارا
سؤیله‌دی خسته – خسته:
“شاختا بابا ، قیش بابا
بوردان تئز سوووش بابا
گئت گونشلی یئرلره
اونلاردا قیزیش بابا !
اودوموز یوخدور بیزیم
ائومیز سویوخدور بیزیم
بیز ی اینجیتمه آرتیق
دردیمیز چوخدور بیزیم ..”

قار شیشدی گولله اولدو
قیزین آغزینا دولدو
“یالان دئییرسن منه ؟!
اودون‌لاریز کی بول‌دو!”

قیز شاختادان اوتاندی
“دوز دئییرسن .. یالاندی ”
یاناقلاری قیزاردی
شاختادا اونو آندی

قیز داها اوزه گلدی
شاختایلا دوزه گلدی
هوولایاراق اللرین
آستادان سؤزه گلدی:

” اودون‌لار واردی، چوخدو
آمما ائومیزده یوخدو
گئت گونشله قاییت گل
بیزیم بورا سوخدو
گونشلیکده آی‌دا وار
اوردا سنه تای‌دا وار
قیزیب مورگوله‌ینده
یوخونا لای- لای‌ دا وار”

شاختا بابا دایاندی
اوشاغا کؤنلو یاندی
دوشونوردو ائله بیل
اؤز- اؤزوندن اوساندی

… آغیر – آغیر قار یاغیر
گؤیلرده نه وار یاغیر
من یادا قار نئیله‌سین
باخ، او قار ناچار یاغیر

با خما کی ا یندی قار وار
قیزیم، تابلاش … باهار وار
هر باغلی بیر قاپییا
ا ینا ن کی بیر آ چار وار

قیش دا گئدر ، سوووشار
گوللو یازا قووشار
قوشلار گول- چیچک اوسته
یازا نغمه‌لر قوشار

قیزیم بیل نه اولاجاق
یاز انتقام آلاجاق
قیش گئه‌جکدی … پیسلیک
تک کؤموره قالاجاق.

اولدوز دئدی: “قیش بابا
بوردان گئت، سوووش بابا!
نه اولار بیزه خاطیر
یازا تئز قوووش بابا!

قیش بابا آخدی کئتدی
اولدوزا باخدی گئتدی
قار چیچگین هر یئره
الی‌له تاخدی گئتدی

گئتدی یازا قوووشسون
سؤزه- سازا قووشسون
اوشاقلار اویونوندا
شن آوازا قوووشسون.

چاپ

2 پاسخ

  1. چوخ چوخ گوزل، آخیجی، دوم دورو، دویقولو، و صاف اوره کلی اوشاخلار کیمی سویملی و اومود ورن، بو شاختا بابا شعری اوچون سیزه تبریک لر ع. ن ” چاپار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شاختا بابا، قیش بابا

ع. ن. چاپار
www.ishiq.net

آذربایجان ادبیات و اینجه‌صنعت سایتی

شاختا بابا، قیش بابا

ع. ن. چاپار
www.ishiq.net

آذربایجان ادبیات و اینجه‌صنعت سایتی

شاختا بابا، قیش بابا

ع. ن. چاپار
www.ishiq.net

آذربایجان ادبیات و اینجه‌صنعت سایتی