بیز یاشاییریق / مسعود آذر


masoud azer
بیز یاشاییریق
مسعود آذر

بیز یاشاییریق
یاشایاجاغیق
ایسته‌سه‌لرده،
ایسته مه سه لرده؛
آخی اونلارین –
ایسته‌مه‌دیکلری بیزیم نه وئجیمیزه.

بیز یاشاییریق
حیاتلا برابر،
حیاتلا یاناشی
حیاتی اوزه‌ن ایتیم‌لره قارشی.

بیز یاشاییریق
سونبولده، چیچکده،
تورپاقدا، بیتگی‌ده
قوزولارین ایچدییی بیر اووج سودا؛
اولور کی بیر سینیق اورکده.

بیز یاشاییریق
کئچمیشیمیزله،
کئچمیشیمیزده دایانمادان
صاباحا دوغرو یورویه‌رک.
من اولماسام دا او گون
اینانیرام
یاشایاجاغیق
نورلو گله‌جکده.
8 تیر 1393

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *