قیسا شعرلر(۴)
فریبا مرتضایی
(۱)
یوخسان
یوخسولام گولوم،
الیم آغزیما چاتمیر؛
آدینی
دیلیمین اوجوندان قوپاریب
اوره‌ییمین ایچیندن هارایلانیم.
(۲)
قاتارین سون دوراغیندا
سنی گؤزله‌یه‌جه‌یم
بارماقلاریمی ساییب- ساییب
دمیر یولون اورتاسینا دوزه‌جه‌یم،
ایستر ساییسیز
ایستر حئسابسیز
سنی سئوه‌جه‌یم ،
ها آیاقسیز
ها بارماقسیز
نه فرقی وار
من کی دالیجا سورونه‌جه‌یم.
(۳)
شئعیریمین
سون باهاریندان گئچ
سؤزجوک‌لریم
چیچک آچسین گولوم!
(۴)
یاناقلاریم
سنسیزلیک بهانه‌سی ایله یاشالمیش
بیر باخ منه
بو یاغیش کسیلسین دئیه!
(۵)
درین باخیشلاردا بیتمیشم
گلین
بو حوزنو
چیچک سانیب، درین
اوره‌ییمین دایاز یئرینده اکین!
13 پاسخ
سلام خانم مرتضایی عزیز.واقعا شعرلریزدن لذت آپاردیم.چووخ گوزل قیساشعردیلر.الریز وار اولسون
نه قدر اوره یی اوخشاییر فریبا خانیمین آنادیلیمیزده یازدیغی شعرلری….یولون داواملی اولسون فریبا خانیم
دیرلی شاعیره میز فریبا خانیم مرتضایی نین مینی مال(قیسا) شعرلرینی اوخویاندا بیر چوخ مزیت لرله یاناشی آنا دیلیمیزین آخارلی-باخارلی شعر دیلی اولدوغونودا گؤرمه مک اولماز…
قالدی آقای محمدی نین حجاب مسئله سینه توخونماغی یئرلی گؤرورم. اؤرتوک مسئله سینه بیزیم اولو خلقیمیز عصرلر بویو آیدین لیق گتیرمیشدیر. نئجه کی بؤیوک شاعر نظامی گنجوی اسکندر نامه اثرینده اسکندرین قیپچاق چؤلونه هجومو زامانی بو ائلین باشچیسیندان ایسته ییر کی تارلا لاردا ایشله ین قادینلار باشلارینی اؤرتسونلر. او اسکندردن بونون سببینی سورور. اسکندر دئییر: منیم سربازلاریم بونلاری گؤروب گمراه اولارلار. باشچی دئییر:سنین آداملارین گرک گؤزلرین اؤرته لر نه اینکی بیزیم قادینلاریمیز باشلارینی…
گر آیین تو روی بر بستن است
در آیین ما چشم بر بستن است
من بو باره ده گئنیش سویه ده بیر مقله یازمیشام یاخین گله جکده ایشیق سایتی اختیاریندا قویاجاغام
حؤرمتله: بهروز ایمانی
سالام؛
لوطفن علی جاوادپورون “قاطار” شئعیرین بورا یازین؛ چوخ چوخ اوره ییم ایستیر .
سلاملارسایین سئویملی باجیم فریبا خانیم
سیزین ده یرلی شعیرینیزی اوخودوم گوجلو قلم نیز دن صتعتکار اولدوغوزی آنلادیم سیزه سون درجه ده نائیلتلر آرزئلییب
و گینه ده تئزه شعیر لرینیزین یولونو گوزلئیرم
درین حورمتیله
چوخ ساغ اولون آقای محمدی حجاب اینسانین گؤزلرینده اولور کئشگه گؤز حجابیمیزی رعایت ائلییک چوخ تشککور ائلییرم دیقتلی باخشینیز اوچون !! ساغ و سلامت قالین حؤرمتلی ذوست .
سلام علیکم لطف ایلین فریبا خانما دیین حجاب رعایت ایلسین.
عزیز و حورمتلی دوستوم هر بش شیعری اوخودوم و اونلاردان چوخ لذت آپاردیم. چوخ گوءزل و دویغولی سوءیلمیسیز؛ هر زامان من سیزین شیعرلرینیری چوخ چوخ بینیرم و اوخودان سونرا اورییمده درین دویغولار اویانیر، سیزین اللریز آغریماسین و بیز سیزینله هر زامان فخر ایلیریخ
سونسوز حوءرمتلر و تشککورلر
سنین شعرلرین حیات نغمه سی دیر
یاغیش باغیشی
ائلمین مؤحترم عزیز و مهربان شاعیره سی خانیم مرتضایی اللریز آغریماسین چوخ چوخ گؤزل شعر لر اوخودوم
هر زامان تکین منده اراخاداشلاریمینان هم فیکیرم بوخسان بیرده قاتار شعری مؤحتشم اولموش تشککورلر کی وارسیز .ایشق سایتیندا اولان توم امکداشلار ا تشککور ائدیرم .
سلام ائلمیزین عزیز و دیرلی شاعیره سی مؤحترم خانیم مرتضایی هز زامان تکین چوخ گؤزل شعر لرینیزی اوخوب
لذت آپاردیم نه گؤزل قلمینیز وار یوخسان سعری ندن سونرا قاتار شعری مؤحتشمدیر. بو ائل سیزه فخر ائدیر .جان سالیغی و گؤزل گونلر آرزو سو ایله . ایشق سایتیندا چالیشان قلم داشلارا چوخ تشککور ائدیرم اللریز آغریماسین . منده
قاتارین سون دوراغیندا
سنی گؤزله‌یه‌جه‌یم
بارماقلاریمی ساییب- ساییب
دمیر یولون اورتاسینا دوزه‌جه‌یم،
ایستر ساییسیز
ایستر حئسابسیز
سنی سئوه‌جه‌یم ،
ها آیاقسیز
ها بارماقسیز
نه فرقی وار
من کی دالیجا سورونه‌جه‌یم.
سلام باشدان ایشق ایشیق امکداشلارینا چوخ چوخ تشککورلر عزیز خانیم مرتضایی اللریز وار اولسون بو گؤزل و دویغو دولو شئعیر لرینیز ایچین اوخدوم و لذت اپاردیم یئنیدن ایشق سایتیندان الی دولو گئدیرم سیزه اوغورلار اولسون .بو شئیعرینیز اینانیلماز گؤزلدیر چوخ چوخ نه دئسم ازدیر.
یوخسان
یوخسولام گولوم،
الیم آغزیما چاتمیر؛
آدینی
دیلیمین اوجوندان قوپاریب
اوره‌ییمین ایچیندن هارایلانیم.
سلاملار. هر زامان کیمین گؤزل و دویغولو شئعرلریزی اوخوماقدان سئوینجلییم. اوغورلار و باشاریلاریزین داوامی آرزوسو ایله.