چئویرن: ایشیق
ترجمه: ایشیق
ایشیق

دونیا قادین‌لار گونو موبارک اولسون
leyli xodayi
دومانلی مکتوب‌لار / لئیلی خدایی

(۱):
«نه یول، نه یوخو، نه چیراق، نه آغلاماق. فروردین آیی‌نین یئددی‌سینه‌‌جن گؤزله‌رم سنی.» اؤلوم دئدی! دوزون، یانلیشین الله بیلیر. هر گون گلیر ائویمه، هردن بیر ایستکان چای ایچیر. سونرا دوروب الین چکیر کتابلارین توزون سیلیر. قرآنی‌دا آتامین تر دستمالی‌یله.
پرده‌لری چکیر.گونشی چوخ سئویر. اوره‌گیم سیخیلاندا بایاتی اوخور.
گؤزلریمه باخیب گولومسه‌ییر. گئجه‌لر پنجره دالیسیندا دوروب چیراق یاندیریر. آخشاملار تازا چؤره‌ک آلیر. گؤیرچین‌لره‌ دن سپیر. گول‌لره سو وئریر. اؤلوم منی چوخ سئویر.
بو گون دئدی: گؤزله‌مکدن یورولدوم، یا دومان یا من. ایل‌لر بویو نیسگیل ایله یاشاماغی ایستیرسن یا بیاض گلین پالتارین گئییب،او باکیره دونیانین یولچوسو اولماغی؟
ایکی یول آراسیندا قالیب چوبان اولدوزون ایتیرمیشم … سن سؤیله دومان، گئدن خبر آلمایان عاشیقیمی سئچیم یا قالان، خبر آلان محبتی؟
(۲):
یئددی یاشیمدا، عشقین معناسین مشق دفتریمه یازدیم…
گلین‌لری قیسقاندیم. من ده گلین پالتاری، اویونجاق ایستکان ـ نعلبکی ایسته‌دیم؛ بالاجا قولچاغیمی قوجاغیما آلیب اوتاغیمدا آغلادیم …
اون یئددی یاشیمدا، آغ گلین‌لیگی گئییب، آغ تورو ساچیما باغلادیم. یئل گلیب مشق دفتریمین صفحه‌لرینی بیر ـ بیر قوپاریب اوزاق داغلارا آپاردی. او گون بیلدیم کی اؤلکه‌مین قیز گلین‌لری اویونجاق فنجان‌لارینا گؤز یاشلارین تؤکورلر. بالاجا قولچاغیمی باغریما باسدیم، اوتاغیمدا آغلادیم.
او قولچاق هرکس‌د‌ن یاخشی بیلیر کی داغی داغ اوستونه  قویسالار، منیم اوره‌گیمده‌کی داغ جن اوجا اولماز
دومان! اوشاقلیق اویون‌لاریمین آغ آتلی شاهزاده‌سی! منی آپارماغا گلنده هر بالاجا گلینه بیر چیراق گتیر.

چاپ

3 پاسخ

  1. سلاملار سایقیلار

    یازیلاریز چوخ گوزل و اورگه یاتاندیر. یئله بیر یازیلارین یئری بیزیم ادباتیمیزدا بوشدور. سیزه باشاریلار آرزیلاییرام.

    یازیلارین بیرینده بوجور گلیب : گئدیرم نفسیمی او یاشیل بارماق لارین شفاعتینه باغلایام.

    سیزجه (بارماق لارین) یئرینه (یارپاق لارین) یازیلسا داها اویغون اولمازمی؟

    وار اولاسیز

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دومانلی مکتوب‌لار / لئیلی خدایی

ایشیق
www.ishiq.net

آذربایجان ادبیات و اینجه‌صنعت سایتی

دومانلی مکتوب‌لار / لئیلی خدایی

ایشیق
www.ishiq.net

آذربایجان ادبیات و اینجه‌صنعت سایتی

دومانلی مکتوب‌لار / لئیلی خدایی

ایشیق
www.ishiq.net

آذربایجان ادبیات و اینجه‌صنعت سایتی