شعرلر / کریم قربان‌زاده

karim
شعرلر
کریم قربان‌زاده

(1)

اودلو گولله‌لرین

آجی دیل‌لرین

یامان گون‌لرین

یاراسینندان اؤلمه‌دیم؛

سنسیز

اپریدیم،

چوروم , چوروم , چورودوم،

تؤکولدوم،

اؤلدوم

سونسوز

و

توکنمز انتظاردا.

(2)

ایچیمده بیر اسکیکلیک:

“سولطان”ین اتک‌لری،

بیر دولو بارداق چوبان چایی،

“عنصرود”ون پار – پار پاریلدایان قلمه‌لری،

بیر چیمدیک یاز‌هاواسی

و گونشین

یاماجلارداکی یاشیل ساچلی بوغدالیقلارد آغناماسی .

(3)

کیمسه‌نین اینامی

میناره‌لرین, ناقوس‌لارین زنگوله‌سینده

و من

سنین سربست یاشامینا اینانیرام

گونشه دوغرو،

سئوگییه دوغرو.

(4)

محبوسلار

ایللری، آیلاری؛

یولچولار

جیغیرلاری، یوللاری سایار؛

و من

گؤز قیرپیم‌لاریندا اؤلوب, دیریلیرم

سن گؤزومدن ایتن کیمی.

(5)

بو شه‌هرده

کهنه بیر دییرمان

کهنه بیر تانری

کهنه بیر تولامبار یاشاییر؛

گونشی دارتیر

سئوگینی یاندیریر

و عالمی‌توستویه چکیر

بو خارابا شه‌هرده.

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

One comment

  1. انصار قره داغلی

    حورمتلی قربان زاده ، سوزلری داها آرتیق اینجه له دین ، اولسون کی بیر گون هایکو قالیبینه چئویرین ، عنصرودون گؤزللیکلری الهیانه دیر. 5 ـ نجی شعرینیز آچیق وقلبه توخاناندیر آنجاق گؤزلدیر ،همن شعیری داها گؤزل قیلین . ایکی هایکو سیز اوچون تقدیم ائدیرهم :

    1
    قاچ گه ل
    الینی وئر الیمه
    کؤرپه لیییم

    2
    قوجاغیم
    یئتیم ده ده دیر
    آنامین کؤرپه لییینه .

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *