قاتسیز …
رضا نوری

یاخیلیر بوغازلار

بالیقلانیر قزئته‌ده عکسین

هاوا اولاشماسیندا

سیرک ساچیلیر ساچاقلار

سونور اوزلرین رنگی

قاتلار پاسلانیر

لوشلانیر پاسلار

قازماغی قالیر بیر تک باتیش مووسومونده

دریلر کوینکلره آستار اولموش

باخیشلاری سرسری کئچیرنده چمنین گوللرینه

داراقلانیر بیتیشرکن

ایکی سطیر آددیملادیقدان سونرا

قیریق- قیریق سوزولور کؤلگه‌لر

قایچیلانمیش یوخولاردا.

۱۳۹۲و۰۷و۲۱