ایت الیندن سوموک گمیرمه‌لی دئییل/حددن آرتیق شولوق بیر یئر یا مجلیس کی گلنلره ماجال- مئیدان وئریلمیر
- ایتی مچیددن ائشییه سالان کیمی/ پیس وضعیتده و سرتلیک‌له بیرینی بیر یئردن چیخاریب ائشییه سالماق
- ایت دیشی چیخاردیر/ آغیر وضعیتده ایشله‌ییر، چوخ ایشله‌ییر
- ایت آیاغی یئییب/ بیر یئره چوخ گئدیر، گلیر
- ایتین گونونده‌دیر/ فلاکتله یاشاییر
- ایتین کئفین چکیر/ کئفی چوخ سازدی
- ایت آلتیندان گؤتورولوب/ چوخ بداخلاق آدامدی
- ایته ده بیر چؤرک بورجلودور/ بورجو چوخدور، آغیر شراییطده یاشاییر
- ایتین دالی قیچی/ بیرینه حؤرمت ائتمه‌ییب و سایمایاندا دئییلیر
- ایتدن آلدی، ایته وئردی/ بیر نفری چوخ دانلاییب، یامانلایاندا دئییلیر
- ایت خیلی، کؤپک سوروسو/ بیر یئرده چوخ آدام ییغیشیب، ازدحام اولاندا دئییلیر(منفی معنادا)
- ایته آتسان ایت یالاماز/ بیر نفر چوخ چیرکین اولاندا دئییلیر
- ایت آغاجی، پوخ کوره‌یی/ بیر نفری هر گلن دانلایاندا، دانلانان آداما دئییلیر
- ایته دؤنوب/ چوخ دئیینن آداما دئییلیر
- ایتی قیرخیر/ الی آشاغیدی، پولسوزدی
- ایت اوتاریتدیریر/ بیر نفر بیرینی چوخ آغیر وضعیتده ساخلاییب، اینجیدنده دئییلیر(آرواد منه ایت اوتارتدیریر)
- ایت اونو کیمی داغیلماق/ بیر پارچا یا باشقا بیر شئی پیس وضعده ییرتیلیب داغیلاندا دئییلیر
- ایت یومورتاسی/ چوخ چیرکین و یاراماز آداما دئییلیر
- ایت اویناغی/ خوشا گلمز آداملارین گزیب، دولاندیغی بیر مکانا دئییلیر
- ایت کیمی سوله‌نیر/ هر یئره باش چکیب، دولانماق(منفی معنادا)
- ایت بورنوندان تؤکولوب/ بیر شئی چوخ بول و اوجوز اولاندا دئییلیر
- ایتی وورورسان قالاقدان چیخمیر/ یعنی چوخ سویوق و شاختالی هاوادی
- ایتیمین قورد داییسی/ چوخ اوزاق قوهوما دئییلیر
- ایتی باغلایاسان دورماز/ یعنی پیس شراییطلی بیر یئردی
- ایت جانی وار/ جانی برک و یئنیلمز آداما دئییلیر
- ایته تؤکورسن یئمیر/ بیر شئی چوخ بول اولاندا دئییلیر
- ایته آتار داشی یوخدور/ یعنی چوخ الی آشاغی و پولسوزدی
- ایت ده قیچین قووزاییر ایشیییر اونون اوستونه/ دووواری آلچاق و چوخ دانلانان آداما دئییلیر
- ایت اوزو وار/ اوزدن گئتمه ین و سیرتیق آداما دئییلیر
- ایت اوزونه دوروب/ یعنی ایشی راست گتیرمیر
- ایتین آغزیندان دوشوب/ بداخلاق و پیسس دانیشان آداما دئییلیر
- ایت کیمی قاپیر/ چوخ بداخلاق و سؤیوشجو آداما دئییلیر
- ایت آشی/ کیفیت سیز خؤره یه دئییلیر
- ایتین قودوران یئری/ ان اوزاق و پیس شراییطلی ال چاتمایان بیر مکان
- ایت کیمی اییله نیب/ یعنی چوخ دئیینیر
- ایتی گؤتوندن یئییر/ چوخ قیتمیر و چیلیس آداما دئییلیر
- ایتی وورورسان….. سیچیر/ مثلا دؤکتور یا لیسانس و ساییره چوخ اولاندا دئییرلر: ایتی وورورسان دؤکتور سیچیر
- ایت باش آلیب گئدیر/ ائو یا باشقا بیر مکان چوخ قاریشیق و سلقه سیز اولاندا دئییلیر( ائوده ایت باش آلییب گئدیر)
- ایت جمده یی/ حددن آرتیق قوخویان و پیس ایی وئرن بیر شئیه دئییلیر
- ایت یییه سین تانیمیر/ حددن آرتیق شولوق و ازدحام اولان یئره دئییلیر
- ایت یالاسا دویار/ چوخ کیفیر و کیرلی بیر شئی یا آداما دئییرلر(اوشاغین اوز- گؤزونه باخ، ایت یالاسا دویار)
- ایت قاتیغی ایسته ییر/ ایمکاندان اوزاق بیر شئی ایسته نیلنده دئییلیر
- ایت کیمی قویروق بولاییر/ یالتاق آداما دئییلیر
- یاش ایته سئلمه یاپیشان کیمی/ بیر خؤرک چوخ دادلی و یئمه لی اولاندا دئییرلر: ناهار یاش ایته سئلمه یاپیشان کیمی یاپیشدی
- قویمورلار ایت باخاندان باخا/ یعنی بیر نفری هنده وره قویمورلار، اوز وئرمیرلر
- باشینا ایت سویو تؤکمک/ اولمازین اویونلار بیرینین باشینا گتیریب اونو سارسسیتماق
- جیبینده ایت اولاییر/ یعنی پولسوزدی
- باشینا ایتین اویونو گلدی/ بیری آغیر وضعیته دوشنده دئییلیر
- ایت قاشیغی/ آدامین دیرناغی چوخ اوزونایاندا دئییلیر(دیرناقلاری ائله بیل ایت قاشیغی دیر)
- آرالیق ایتی/ چوخ اورا- بورانی گزن آداما دئییلیر
- آخساق ایت جن گزیر/ بیر آداما چوخ گزیب دولاناندا(منفی معنادا) اونا خیطاب دئییلیر
- آغاجین بیری ایتده دیر، بیری ده اوندا/ بیر نفری چوخ اینجیدیب، ووراندا دئییلیر
- آغزیندا ایت بوغوشدورور/ تئز- تئز و آنلاشیلماز صورتده دانیشان آداما دئییلیر
3 پاسخ
سلام ، اگر ائل ایچینده ایت له باغلی مثل لره اشاره لازیم اولسا ، بونلاردا منیم یادیما گلن لردی:
یاغیم یاخشی یاغدی آمما حییف ایت دریسینده دیر
ایت قورساغی ساری یاغ گؤتورمز
ایت باشی خونچادا دورماز
اشاره ائتدییم مثل لر ماکی و او ماحالدا ایشلنن مثل لردی
ساغ اولون . بونلاردا منیم ذهنیمه گلدی لر .
ایت قوسو
ایت الیندن سوموک گمیرمک اولمور
مقصود نیسگیل جنابلاریندان چوخ تشککور ائدیرم. آما دئمه لی یم کی بو دئییم لرین چوخو بیزیم ادبیاتیمیز و فولکلوروموزا باغلی دیر تکجه بیر ماحالین دئییل. و بو ییغیمین آدینی عوضله مک لازیمدیر منجه. توپلومون عونوانیندان ماحال آدینی گؤتورمک لازیمدیر. یئنه ده سئوگی و سایقی لاریمی سوناریم. ساغ اولون اللریز وار اولسون