دوز- چؤره‌ک… / رقیه کبیری

rugayyeh
دوز- چؤره‌ک…
رقیه کبیری

چؤره‌ک؟!

دوز؟!

اسکی سؤزلردیر دوز- چؤره‌ک…

گؤزوموز باتی دا

قولاغیمیز باتی‌دان یایینلانان ایکیندی خبرلرینده

تبریزین فیرتینالی‌هاواسی

قارین دولو دانیشدیریر آغزیمیزی

دوز دان دئمه

چؤرک‌ده  دانیشما!

گئجه‌لر

قارینا، قارا چالیر

الی بوش ائوه گئدن کیشی‌لرین اوشاقلاری…

بیر- ایکی ساعات دؤزه بیلمیر آجیتمالیغیمیزا

سدیم بی کربنات قاباردیر خمیرلریمیزی

اوسته‌لیک

دوزلو سو چکمه‌یه‌جک نفسلریمیز

دنیزیمیزین دوزو‌هارایا قالخیب،‌هاوادا

هاوا چیرکینله‌شیرده، کیمه نه!

جئیرانلار اؤلور ده کیمه نه!

فلامینگولار کؤچور ده، کیمه نه!

طبیعتدن کؤرپو وورموشوق

تمدونون گؤبه‌یینه…

گؤرمورسوز مدرنلشمیشیک؟!

چؤره‌یه دئییل،

دوزا دئییل

بوندان بئله

ساری کئیک‌لره آند ایچمه‌لییک…

1392.7.28

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

One comment

  1. خانم کبیری : نئچون تبریزین فیرتینالی هواسیندان قارین دولو دانیشیر آغزیمیز (البته قارین دولی دانیشدیریر آغزیمیزی معنا باخیمیندان و جمله نین قورولوشونا گوره سهو دیر ) قارینا قارا چالیر دا معناسیزدیر همده قوندارما بیر جمله – آجیتمالیغیمیزا یوخوموزدو آجیتماق یاخود دا آجیماق واریمیز- دوزلو سو چکمه یه جک نفسلریمیز بو سوزو سیز هاردان تاپیب سینیز – بیز هاردا طبیعتدن کورپو وورموشوق مدنیتین گؤبه یینه- ادبیات دیل ائله بیر شئی دئیل اؤزوندان هرنه ایسته سن قوشاسان -مقام مسابقه سینه باخسانیز گوره رسینیز کی اوردا اوشاقلارا گذشته یول وئرمیرلر اونلارا اوقدر آدامین ایچینده دئیلیر کی ایشله مه ییبسن گئد چالیش اؤرگن ایندی سنده گئد چالیش اؤزوده اوره کدن

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *