اولدوز باخیشلی سطیرلر/ رامیز تای‌نور

ramiz
اولدوز باخیشلی سطیرلر
رامیز تای‌نور


(1)
گولله‌لر
گولله‌نيب گؤزلرينده؛
اوره‌يينده:
سئودا,
اينام,
عناد.

(2)
دويغولاريندان
چيچك آچير؛
اللريندن
گؤيرچين اوچور؛
بير فيرچا,
بير بويا,
بيرده اوشاقليق سئوگيسي؛
و
يئني دونيا…

(3)
قوجاق آچيرسان
سيغاللايان اللريني اؤپور سنين-
سئودالي گؤيرچين‌لر؛
و ایسلاق ساچلاريني
چيلغين كولك‌لر پايلاشير
دنيزلردن دنيزلره؛
و بيريارالي قارانقوش
اوزاقلاردا پرچين آلتدا
سنين توركونو اوخويور:
-“سيل گؤزون ياشين قارا گيله
آغلاما, بس دير!”

(4)
یاشادیغیمیز ان گؤزل گونلر
هله یاشامادیغیمیز؛
سؤیله‌یه‌جگیمیز ان گؤزل سؤزلر
هله سؤیله‌مه‌دیگیمیز؛
اوندان دولایی دؤنمه‌دیم دونن‌لره،
اوندان دولایی سئودیم صاباحی
سنین‌له….

 

Check Also

آچین قاپی‌لاری گلن باهاردی! / سخاوت عزتی(عندلیب)

آچین قاپی‌لاری گلن باهاردی! سخاوت عزتی(عندلیب) یئنه داش دیبینده گؤیردی دیشه شاختا دا قورتاردی، قیش ...

One comment

  1. عشق اولسون گؤزه ل و دویغولو شعیرلردیر. توتوجو کلمه لر یاخیجی معنالار

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *