چئویرن: admin
ترجمه: admin
admin

araz asef
اوجاغی کور کیشی
حمید آصف

اوجاغی کور کیشی کیمی‌یم.

کیشی کیمی

کیشی

و بازاردا داها بوغدا تاپیلمایاجاق چؤره‌ک اولماغا

چؤره‌ک اولمایاجاق ائوه گؤتورمه‌یه

ائو اولمایاجاق بیر قوجاغا سیغینیب یاشاماغا

و یاشانمایاجاق کیشی‌لیک ذاتا.

لاپ شوعارینا اینانماساق دا بئله.

گل ایندی اود سال اوجاغا

گل ایندی سیجاق چؤره‌ک قوخوسون گؤزله

بورا کومون کؤهولو دئییل کی

سیرفامیزدا بوینوزلو مارال اووو

و دؤره‌سینده قونشولار، بیز و هامی واریک

یوخوق کیمی یانی.

وارییق دئینده بورنومون اوجو گؤینه‌ییر او ایتیگه

یوخوق دئینه راحاتجاسینا داشا دؤنور هر نه.

ایتیردییمیز نه سه وار آرادا او گونلردن ایتیردییمیز

بوراسی پالچیق دیر ائو آدیندا

لوت لومبز

آلتیمیزدا بیر اسگی ایللرین خالچاسی ساده جه

و من اوزاندییغیم یئرده گؤزلرینه بره‌لیرم

یئنه ایتیک وار آرادا.

بوراسیندا چیچک داش باغریندا یاشاییر. یاشامیر کیمی یانی

بوراسیندا چؤره‌ک یوخ کیمی‌دیر و یاشانمیر دا کیشیلیک

سن ائله بیل کی لاپ شوعار قده‌ری.

ساده جه نفس نفسه قبیر قونشولوغونداییق هامیمیز.

و اوموروندا دئییل لیک بئله ایتیردییمیزین.

سونرالار لاپ بو یاخینلاردا دئدی شاعیر ایلقار

چادرا یلا قوردا وئریلمیش او.

او

او بیزین جان اتیمیز

امجیییمیز

سو بارداغیمیز

هر نه واریمیز و یوخوموز کیمی یانی.

بیرده دؤنه سیینه اوخشامیر سانکی.

لاپ اوچوق دام اولورسادا ۴ اؤپوجوک له.

لاپ سیغیندیغیمز گئجه یاریسیندا قوینوموز اولسادا بیربیریمیزه.

و قولاغیمیزا پیچیلدادیغیمیز قورخو

– قورخورام سسینی آشاغیدان توت دانیشاندا

– خالا آغیر یاتیر قولاغیندا قورقوشوم دونوب

– گل پاپریزیمیزی اودلایاق اؤزوموزدن اؤنجه

گولورسن و یاریمچیلیق قالیر دوداغیندا کی چیچک

و اونودولور هاردا اولدوغوموز گئجه نین بوچاغیندا

لاپ سن اولماسان دا من اولماسام دا

ایتن بیز دئییلیک

ایتن ایت بالاسی ایت دیر – یاندی ایچیم-

تاپیلاسی دئییل سانکی

اوغلان بالام، آتا ایگیدی، قیز کؤرپه جییمیز، آرپا چای ساراسیندا

و تن، وطن دالاشمالاریمیزدا

و لاپ لئی لئی لئیی دئینده مجنون

فضولی دوهاسیندا

بیزده ایتن سانتی مانتال بیر قورغودا دئییل حتی.

بیزده ایته نین آدی ایتیب لاپ.

گل

گل اوچوق کؤهنه ائوده اوچوقلاماسین دوداقلاریمیز

تاختا تاوان آلتیندا.

چیلپاقجاسینا یاس توتاق بیربیریمیزه

 و خاطیره اولسون دئیه سن بالانا من اوشاغیما دانیشاریق بونلاری

آنجاق آنی کیمی یاشانسین او ایتیک

دیلیمیزین اوجوندان دوشمه سین.

ناغیلاریمیزا دؤنسون یانی.

.

.

.

الینی منه تیق تیق خانیم

الینی وئر دستاراجی

الینی سئوی… ایتدی آرتیق شعرین سونو دا.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوجاغی کور کیشی/ حمید آصف

admin
www.ishiq.net

آذربایجان ادبیات و اینجه‌صنعت سایتی

اوجاغی کور کیشی/ حمید آصف

admin
www.ishiq.net

آذربایجان ادبیات و اینجه‌صنعت سایتی

اوجاغی کور کیشی/ حمید آصف

admin
www.ishiq.net

آذربایجان ادبیات و اینجه‌صنعت سایتی