سون سؤز/ کریم قربانزاده

karim
سون سؤز
کریم قربانزاده

(1)

حسرتی حسرته قالادیم

دردی درده جالادیم،

اوره‌ییم قابار

روحوم جادار- جادار

نه ائل دویدو

نه اوبا گؤردو،

سئوگیمی‌قاچاق مال کیمی‌گیزلتدیم

و خاطیره‌لر دوستاغی اولدو

 آزادلیغیم…!

(2)

من اؤلندن سونرا

منی دار دودوک مزاردا باسدیرمایین،

آچیق دوزنلره تاپشیرین!

سینم اوستوندن-

 کولک‌لر اسسین

دلی شیمشک‌لر شاخسین ،

باشیم اوستوندن-

اولدوزلار آخسین

قاتار- قاتار دورنالار کؤچسون.

من اؤلندن سونرا

منی دار دودوک مزاردا باسدیرمایین،

من اوچوش حسرتینده اؤلنلرین بیری‌یم…

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *